Aqtóbe oblysy, Yrǵyz aýdany, Qalybaı aýyly mańynda avtobýs órtenip, polısııa, tótenshe jaǵdaılar qyzmeti, dárigerler men psıhologtar kómek kórsetken bolatyn. Aqtóbege kelgen О́zbekstan Respýblıkasynyń Qazaqstandaǵy elshisiniń kómekshisi Tımýr Rahımov qazaq eline óz alǵysyn aıtty.
«Tótenshe jaǵdaı tirkelip, О́zbekstan Respýblıkasynyń azamattary qaza boldy. Aldymen Qazaqstannyń Prezıdentine, Úkimetine, barlyq memlekettik organyna alǵysymyzdy bildiremiz. Tergeý jumystary jedel aıaqtalyp, biz japa shekkender men qaza bolǵandardyń der kezinde otanyna jetkiziletinine senimdimiz»,- dedi T.Rahımov.
Aıta keteıik, keshe Aqtóbege О́zbekstan Respýblıkasynyń tótenshe jaǵdaılar mınıstri Rýstam Djýraev bastaǵan arnaıy top keldi. Olardyń quramynda densaýlyq saqtaý, ishki ister organdarynyń qyzmetkerleri men dıplomattary bar. Aqtóbe oblysy ákiminiń baspasóz qyzmetiniń habarlaýynsha, qazirgi ýaqytta oqıǵanyń neden bolǵany anyqtalyp jatyr. О́rtti sóndirý, múrdelerdi anyqtaý, tasymaldaý jumystaryna ishki ister organdarynyń, tótenshe jaǵdaılar qyzmetiniń, prokýratýra, oblys ákimdigi, jergilikti jol qyzmetiniń 80-nen astam qyzmetkeri men 30 tehnıkasy jumyldyryldy.
