«Qazirgi tańda oqıǵa ornyndaǵy jumystar aıaqtaldy. Qaza bolǵandardyń máıitteri О́zbekstanǵa jiberildi. Ol jaqta birqatar genomdyq saraptama júrgizilip, marqumdardyń deneleri týystaryna beriledi. Negizgi boljamǵa sáıkes, otty salǵyrt paıdalaný órttiń shyǵýyna sebep bolǵan. Oqıǵa ornynda dánekerleıtin sham tabyldy. Sonymen qatar, tergeý kezinde bes lıtr benzın quıylǵan plastmassa ydystyń (avtobýsta) bolǵandyǵy anyqtaldy» - dedi E.Turǵymbaev.
Onyń aıtýynsha, tergeý organdary zardap shekkenderden jaýap alýdy 19 qańtar, juma kúni bastaǵan.
«Otty salǵyrt paıdalanǵandyǵy jónindegi boljam aman qalǵandardyń túsiniktemelerimen rastalyp otyr. Avtokóliktiń qozǵaltqyshy óship qalyp, kóliktiń ishi salqyn bolǵan, sol kezde dánekerleıtin sham jylytqysh retinde qoldanylǵan. Ol eki saǵattan astam ýaqyt jumys isteıdi. Sol kezde bes lıtrlik ydystaǵy benzın tógiledi de, ot lap etedi. Sóıtip, az ýaqytta avtobýs ishindegi azamattardyń barlyǵynyń ómirin jalmaıdy. Sondaı-aq, jol-kólik oqıǵasy nemese qandaı da bir krımınaldyq jaǵdaıdyń bolýy múmkin degen boljamdar tolyqtaı joqqa shyǵaryldy. Oqıǵa ornyn tekserý aıaqtalǵannan keıin atalmysh avtokólikten eshqandaı sýyq qarý, atys qarýy, oq-dári nemese sol oq-dárilerdiń qaldyqtary tabylmady», - dep jetkizdi Ishki ister mınıstriniń orynbasary.
Densaýlyq saqtaý vıse-mınıstri Alekseı Soı aýrýhanada jatqan bes azamattyń densaýlyǵy týraly aıtty.
«Sanıtarlyq avıasııa arqyly jetkizilgen barlyq emdelýshiler kesheden beri tolyq tekserildi. Olardyń jaǵdaıy jaqsy, jaǵdaı turaqty. Psıhologtar óte belsendi jumys istedi, óıtkeni emdelýshilerdi moraldyq turǵydan qalpyna keltirý qajet boldy. Búgin jaǵdaı qalypty. Zardap shekkenderdiń densaýlyǵyna eshqandaı qaýip tónip turǵan joq. Olardy aýrýhanadan shyǵarýǵa bolady», - dedi A. Soı.
Sondaı aq, juma kúni, Astana ýaqyty boıynsha shamamen 21:00-de, órt kezinde qaza bolǵan 52 adamnyń máıitin О́zbekstan Respýblıkasynyń Tótenshe jaǵdaılar mınıstrligi Aqtóbeden Tashkentke ushaqpen alyp ketti.
«Ushaq О́zbekstanǵa kelgennen keıin, qajet bolǵan jaǵdaıda, qosymsha tergeý sharalary júrgiziletin bolady. Máıitter týystaryna beriledi», - dedi О́zbekstan Respýblıkasynyń Tótenshe jaǵdaılar mınıstri Rýstam Djýraev.
Ol sondaı-aq Qazaqstan tarapyna kórsetken kómegi men qoldaýy úshin alǵysyn bildirdi: «О́zbekstan Prezıdenti respýblıka azamattarynyń qazasyna baılanysty úkimettik komıssııa qurdy. Komıssııa músheleri Aqtóbe qalasyna jiberildi, bizge munda barynsha kómek berildi. Jumys orny, kólik jedel túrde berilip, mamandardyń kómegi kórsetildi. Barlyǵy qysqa merzimde júrgizildi. Munda barlyq máseleler tolyq sheshildi, máıitti anyqtaý, kýágerlerden jaýap alý kezinde eshqandaı problemalar bolǵan joq. Osyǵan baılanysty Qazaqstan Respýblıkasynyń Prezıdentine, Úkimeti men osy eki kún boıy bizge kómektesken barlyq mınıstrlikter men mekemelerge alǵys aıtqym keledi. Qaıǵymyzdy bóliskenderińiz úshin rahmet», - dedi mınıstr.
