Sholpandaǵy jaǵdaı baqylaýda. Aýylda arnaıy komıssııa jumys istep jatyr

Atal­ǵan aýyldyń turǵyny Indıra Já­ni­bek­ova 2017 jy­ly jelt­oq­­san aıynda kóz jum­ǵan 11 jas­taǵy qyzy aýdan dári­ger­le­­­­riniń salǵyrttyǵynan aýrý­yn asqyndyryp alyp, osy dertten qaıtys bolǵanyn aıt­qan edi. Úrjar aýdandyq aýrý­hanasynyń bas dárigeri Jek­sen­baı Tileýberlın qaıǵyly oqı­ǵadan keıin aýyldaǵy 139 oqýshyǵa ekpe jasalǵanyn, 800-ge jýyq turǵynnan saraptama alynǵanyn, bul aýrý 49 adamda tirkelip, olardyń 25-i aýrýhanada em qabyldaǵanyn jet­kizdi. Alaıda 16 qańtar kú­ni osy jaǵdaıǵa baılanys­ty arnaıy brıfıng ótkizgen oblystyq densaýlyq saqtaý basqarmasy basshysynyń orynba­sary Raıfa Safıollınova A vırýstyq gepatıti 49 balada anyqtaldy degen derekti joqqa shyǵaryp, kóz jumǵan oqýshy joǵaryda atal­ǵan vırýsty syrqattan emes, baýyr nekrozynan qaı­tys bolǵanyn málimdedi. «Bar­ly­ǵ­y 46 bala tekserýden ót­ken, onyń 25-i dıagnostıkadan ótý úshin Úrjar aýdandyq aýrý­ha­nasynyń juqpaly aýrýlar bólimine jatqyzylǵan. Sonyń tek 12-sinde atalǵan dıagnoz dáleldengen. Onyń 11-i – oqýshy, bireýi – úsh jastaǵy bala. A vırýsty gepatıti 2017 jyldyń qyrkúıek aıynan beri ár aılarda ara-tura tirkelip otyrǵan. Aýyrǵan adamdarmen baılanys jasaǵan balalardyń barlyǵyna ekpe jasalyp, Sholpan aýylynda 140 adamǵa ekpe salyndy», degen-di basqarma basshysynyń orynbasary.

Sholpan aýylyndaǵy sanı­tar­lyq-epıdemıologııalyq jaǵ­daı Densaýlyq saqtaý mınıs­tr­liginiń de qatań baqylaýynda. Bul jaıynda Astanadaǵy  Or­ta­lyq kommýnıkasııalar qyz­me­tinde baspasóz ókilderine ar­nap ótkizgen brıfıngte atalǵan mınıstrliktiń Qoǵamdyq den­saý­lyq saqtaý komıtetiniń tór­a­ǵasy Jandarbek Bekshın tú­si­nikteme berdi. «Densaýlyq saq­taý mınıstrliginiń aýmaqtyq bólimsheleri AVG barlyq oshaqtaryna epıdemıologııalyq tekserý jáne Sholpan aýylynyń dárigerlik ambýlatorııasyna, Júzaǵash orta mektebine jospardan tys tekserý júrgizdi. Mamandarǵa tájirıbelik kómek kórsetý jáne ótkiziletin is-sharalardyń sapasyn baqylaý maqsatynda ShQO boıynsha Qoǵamdyq densaýlyq saqtaý de­par­tamenti mamandarynyń Úr­jar aýdandyq basqarmasyna shy­ǵýy uıymdastyryldy. Mek­tep jáne úı oshaqtarynan 62 aýyz sý synamalary alyndy. Oqý ornynda, úı oshaq­ta­rynda qorytyndy zalalsyzdandyrý jumystary, mek­teptiń sýmen jabdyqtaý júıe­sin, oshaqtarda barlyq sý saqtaıtyn syıymdylyqtardy jýý jáne zalalsyzdandyrý júrgizildi. Aýyz sý synamalaryn qaıta alý jáne keıinnen qaıta alý kezindegi nátıjesi teris boldy», degen komıtet tór­aǵasy qazirgi ýaqytta mektepte aýyz sýdy paıdalanýǵa tyıym salyn­ǵanyn, mektep oqýshylary shól­mektegi aýyz sýdy paıda­lanyp jatqanyn, barlyq bu­qaralyq mádenı-sporttyq is-sharalar toqtatylyp, oqy­tý­dyń kabınettik júıesi alynyp tastalǵanyn jetkizdi. «Týyn­da­ǵan jaǵ­daıdy anyqtaý úshin Shyǵys Qazaqstanǵa komıssııa shyqty, onyń quramyna Densaýlyq saqtaý mınıstrliginiń ókilderi, S.Asfendııarov atyndaǵy QazUMÝ jáne Sanıtarlyq-epı­demıologııalyq saraptama ǵy­lymı-praktıkalyq orta­ly­ǵy­nyń sarapshylary kirdi. Bul jaǵ­daı mınıstrliktiń baqy­laýynda», dedi J.Bekshın.

Úrjar aýdanynyń ákimi Serik Zaınýldınmen telefon arqyly sóıleskenimizde, ol jaǵ­daıdyń tolyq baqylaýǵa alyn­ǵanyn, mektepte sabaq toq­­tatylmaǵanyn, 2017 jyl­dyń jeltoqsan aıynda kóz jum­ǵan balanyń ólimine qatys­ty aý­dandyq prokýratýra qyl­mys­tyq is qozǵaǵanyn aıtty. Al ob­lystyq densaýlyq saqtaý bas­qar­masynyń basshysy Marat Sho­ra­novqa habarlasqanymyzda qa­zir Sholpan aýylynda res­pýb­lıkalyq komıssııa jumys is­tep jatqanyn, qalyptasqan jaǵ­daıǵa oraı oblysta arna­ıy jumys toby qurylǵanyn jet­kizdi. «О́kinishke qaraı, qazir Sholpandaǵy jaǵdaıǵa baılanysty tekserilmegen derekter de tarap jatyr. Jeltoqsanda kóz jumǵan oqýshynyń «Ostryı gepatıt» degen dıagnozben qaıtys bolǵandyǵy aıtylýda. Balanyń qaıtys bolǵanyn dáleldeıtin anyqtamanyń kóshirmesi de tarap ketipti. Ony biz joqqa shy­ǵar­maımyz. Osyndaı dıagnozben qaı­tys bolǵany ras. Biraq bul aýrý men A vırýsty gepatıti ekeýi eki bólek nárse ekenin uǵy­ný­ǵa tıispiz. A vırýstyq ge­pa­tı­timen aýyrǵan adamda mun­sha­lyqty asqyný bolmaıdy», deıdi basqarma basshysy.

Al qaıtys bolǵan balanyń anasy Indıra Jánibekova ne deıdi? Biz ol kisimen de telefon arqyly sóılesken edik. Aıdyń, kúnniń amanynda balasynan aıyrylǵan qaraly ana byltyr Sholpan aýylynda eń alǵash sary aýrý eki balada anyqtalǵanda karantın jarııalanyp, qaýipsizdik kúsheıtilgende mundaı qaıǵyly jaǵdaı oryn almas edi dep sanaıdy. Aýyldaǵy dárigerlerdiń óz jumysyna salǵyrt qaraǵanyn da joqqa shyǵarmaıdy. «Baýyrdyń jetispeýshiligi deıdi. Balam emhanada esepte turmaǵan. Aýyldaǵy dárigerlerdiń aldynda týǵan kezinen bergi kartochkasy jatyr. Ekpelerdi ýaqytynda alyp júrgen. Balam aýrý bolsa buryn nege baıqamaǵan, nege aıtpaǵan? Sheshem aýyldaǵy dárigerlerge qyzymnyń aýyryp, mazasyzdanyp turǵanyn aıtqanda dári­ger­lerdiń eshqaısysy úıge kel­megen. Sodan soń amalsyz­dan ózderi barǵan.  Sol kezdegi dá­ri­gerlerdiń áreketin túsiner emes­pin. Sheshemniń aıtýynsha, qyzym sıstema qabyldap jat­qanda kishi dáreti qysqan eken. Sol kezde aýyl dárigerleri sıs­te­masyn julyp tastap, daladaǵy dá­ret­hanaǵa jibergeni, onymen qoı­maı saraptamaǵa zárin ala kelýdi tapsyrǵany qaı sasqany? Son­da aýyldaǵy emhanada qa­ra­paıym gorshoktyń óziniń joq bolǵany ma? Sondyqtan dári­ger­ler óz bastaryn arashalaý úshin jal­ǵan aqparat taratyp otyr dep oılaımyn. Meniń balam sary aýrýdan qaıtys boldy», de­gen I.Jánibekova bolashaqta mun­daı jaǵdaı qaıtalanbaýy úshin aldyn alý jumystaryn júr­gizip, aýyldy jerlerdegi dá­rigerlerdiń biliktiligin arttyryp, jaýapkershiligin kúsheıtý qa­jettigin aıtady.

Azamat QASYM,
«Egemen Qazaqstan»

Shyǵys Qazaqstan oblysy