Onyń basty kórinisi – aýylsharýashylyq ónimderin óńdeıtin shaǵyn óndiris oryndarynyń ashyla bastaýy. Osyndaı sút óńdeıtin shaǵyn sehtyń biri Qosestek aýylynda iske qosyldy. Ony Erkin О́tegenov jetekshilik jasaıtyn «Qosestek» aýylsharýashylyq óndiristik kooperatıvi júzege asyrdy.
Bul úshin kooperatıv músheleri ózara keńese kelip, eń aldymen tıisti ınfraqurylymdyq júıe jasaqtaý qajet degen ortaq uıǵarymǵa keledi. Solaı bolady da. Atap aıtqanda, aldaǵy ýaqytta salynatyn shaǵyn óńdeý nysany úshin elektr jelisi tartylady. Budan soń gaz, sý jáne káriz júıeleri iske qosylady. Kelesi kezekte aýyzbirligi men yntymaǵy jarasqan aýyl azamattary aýysymyna bir tonna shıkizatty óńdep, budan ázir ónim shyǵara alatyn qural-jabdyqtar satyp alýǵa qol jetkizedi.
Sóıtip «Qoseskek» kooperatıvi sútten qaımaq, súzbe, maı óndirýge múmkindik aldy. Biz úshin eń bastysy shıkizat óndirý kólemin kemitip almaý. Máselen, ótken jyly biz turǵyndardan 300 tonna sút qabyldap alǵan edik. Búgingi meje osy mólsherden tómendemeı, ony sút óńdeý sehyna tapsyrý, – deıdi kooperatıv tóraǵasy Erkin О́tegenov.
Olardyń búgingi alǵa qoıǵan maqsattary men is-josparlary da ómirsheń. Sonyń ishinde qosestektikter erterekte jergilikti maı zaýytyna shyǵarylǵan irimshiktiń erekshe túrin jańa tehnologııanyń kómegimen qaıta jańǵyrtýdy kózdep otyr. «Bárin aıt ta, birin aıt, Kollektıvtiń jyryn aıt» degen eken Bı-aǵań, Beıimbet Maılın. Osy ólshemge «Qosestek» kooperatıvi músheleriniń ilkimdi is-qımyldary da dál kelip turǵandaı.
Temir QUSAIYN,
«Egemen Qazaqstan»
Aqtóbe oblysy,
Qarǵaly aýdany,
Qosestek aýyly
