Kórmege Qazaq KSR Densaýlyq saqtaý halyq komıssary Hasen Nurmuhamedov pen onyń jubaıy Kıra Bersenevanyń, Qazaqstannyń Atqarý komıteti Prezıdıýmynyń múshesi Muhamedqalı Tátimov pen onyń jubaıy Shákitaıdyń, Almaty oblysy Kegen aýdanynyń prokýrory Shákir Ǵaısın men onyń jubaıy Ǵaınıjamaldyń, «ALJIR» tutqyny Sulýhan Baǵzybaevanyń, Memlekettik banktiń Dobrýshsk bóliminiń dırektory Sevek Lıhtenshteın (Sender) men onyń jubaıy Enta Lıhtenshteınniń, KSRO Memlekettik banki dırektorynyń orynbasary Solomon Harınniń jáne onyń jubaıy Sofıa Zılbergtiń fotosýretteri men muraǵattyq qujattary qoıylǵan.
Bul adamdar mıllıondaǵan otbasyn joıyp, adamzat taǵdyryn buzǵan óte qatal stalındik jazalaý mashınasynyń azaptaýynan ótken. Dıktatýraǵa moıynsunbaǵandar jappaı qýǵyn-súrginge ushyrap, «halyq jaýy» atandy, al olardyń jubaılary, ata-analary, aǵalary, apalary men ul-qyzdary temir torǵa toǵytyldy.
Mundaı kórmeler HH ǵasyrdyń 30-50-shi jyldaryndaǵy oqıǵalardy este saqtaýǵa septigin tıgizedi jáne bolashaqta tragedııanyń qaıtalanýyn boldyrmaý úshin jas urpaqtyń boıynda patrıotızm men adamgershilik sezimin qalyptastyrýǵa yqpal eteri sózsiz.
Mıras ASAN,
«Egemen Qazaqstan»
