Qazaqstan • 23 Qańtar, 2018

«Tumar» báıgesine ótinimder qabyldaý bastaldy

290 ret
kórsetildi
1 mın
oqý úshin

18 qańtardan bastap II «Tumar» ult­tyq televızııalyq báıgesine qatysýǵa ótinimder qabyldana bas­­­tady.

«Tumar» báıgesine ótinimder qabyldaý bastaldy

Baıqaýǵa 2017 jyly efırge shyqqan biregeı teledıdarlyq jobalar qatysa alady. Júlde­ge ulttyq jáne aımaqtyq televızııa­lyq kompanııa­lar, stýdııalar, pro­dıýser­lik ortalyqtar jáne tele­dıdarlyq kontent shyǵaratyn bas­qa da medıa-ındýstrııa mekeme­leri úmitker bola alady.

Úmitkerlerdiń ótinimderi 1 naý­­­ryz­­ǵa deıin qabyldanady.

Bıylǵy jyly jeńimpazdar kelesi nomınasııalar boıynsha­ anyq­talady: úzdik derekti fılm, úz­dik telehıkaıa, úzdik áleýmet­tik joba, úzdik aqparattyq baǵdar­lama, úzdik aımaqtyq telearna, úzdik bilim berý baǵdarlamasy, tele­vızııalyq maýsymnyń úzdik oqı­ǵasy, «televızııaǵa 60 jyl» – televızııa damýyna qosqan úlesi úshin jáne úzdik oıyn-saýyq jobasy.

Sonymen qatar, úzdik rejıs­serlik jumysqa, úzdik operatorlyq joba úshin, jyldyń úzdik tele­júrgizýshisine jáne úzdik telejýr­nalıske de arnaıy júldeler ta­ǵaıyn­dalǵan. Elimizdiń bas qalasynyń 20 jyldyq mereıtoıy­na arnalyp «Astana týraly úzdik joba» nomınasııasy bo­ıynsha júlde beriledi.

Laýreattardy usynylǵan mate­rıal­dardyń saraptamalyq qory­tyn­dylary negizinde júrgiziletin qazylar alqasynyń jabyq túrde daýys berýi anyqtaıdy. Qazy­lar alqasy qazaqstandyq televı­zııanyń bilikti mamandarynan quralady.

«Tumar» ulttyq televızııa­lyq báıgesi Qazaqstan Respýblıka­synyń Aqparat jáne kommýnıka­sııalar mınıstrligi tarapynan elimizdiń eń joǵary sapaly jáne zamanaýı teledıdarlyq maz­munyn anyqtaý, talantty mamandar­dy qoldaý, otandyq televızııa maz­munyn jetildirýge jáne qazaq­stan­dyq joǵary sapaly teledıdardy damytýǵa yntalandyrý maqsatynda qurylǵan.

Báıge uıymdastyrýshysy – «Qaz­medıa ortalyǵy».

Tolyq aqparat arnaıy saıtta: http://tumar.kz

Aqparat jáne kommýnıkasııalar mınıstrligi baspasóz qyzmeti

Sońǵy jańalyqtar