Keıinnen ol tiginshilikke birjolata den qoıady. Osy maqsat ony Q.Jubanov atyndaǵy Aqtóbe óńirlik memlekettik ýnıversıtetinen dızaınerlik mamandyq alýǵa jeteleıdi. Búginde halyqtyq qolónerimizdi ulttyq qundylyq retinde qasterleı biletin qarshadaı qyz derbes tigin atelesiniń ıesi.
Biz onymen oı-pikir almasqan kezde kıimderdi ulttyq naqyshtar men etno stıldik úlgide tigýge basymdyq beretinin bildik. Rozanyń qolynan shyqqan sándi de sapaly ulttyq kıimder túrlerinde keń-baıtaq dalamyz ben kógildir aspanmen ushtasqan taýlarymyz kórinis taýypty. Al ekinshi birinde kıiz úıler beınelenip, kerbez joldary bederlengen. – Kamzol-qajekeıler men bas kıimde ornalasqan oıý-órnekterdi júnnen daıyndaımyn. Tórt túliktiń tańbalary da osyndaı ádispen ádipteledi. Kóılekpen birge kómkerilgen qazaqtyń ulttyq ydysy – torsyq ta bul toptamany tolyqtyra túsedi, – deıdi ol.
Al qoshqar múıiz stıli qoldanylǵan kelesi bir ónimine jas dızaıner «Nazerke» degen ataý beripti. Boıjetkenderge arnalǵan kógildir tústi bul kóılek náziktik pen ásemdiktiń belgisindeı áser qaldyrady. Al altyn tústi oıý-órnekter men marjan tastar salmaqtylyq pen syndarlyqty tanytyp turǵandaı.
Eń bastysy, jas dızaınerdiń ulttyq kıimder tigý isine kásibı sheberlikke qosa úlken jaýapkershilikpen qaraı biletini baıqalady. Bul rette Roza ejelgi ulttyq stıldi qazirgi zamanaýı sán úlgilerimen úndestirýge, ári ózge dızaınerlerdiń qoltańbasyn qaıtalamaýǵa umtylady. R.Bısekenova Aqtóbe qalasyndaǵy «Rýhanııat» mýzeıinde qyzmet jasaıtyn «Sheber Art» klýbynyń belsendi múshesi. О́tken jyly onyń «Oıý oıylym órnektep» atty jeke kórmesin tamashalaýshylar da kóp bolyp edi.
О́tken jyldyń aıaǵynda Almaty qalasynda ótkizilgen «Qazaqstannyń jyl kóılegi-2017» ulttyq baıqaýynda júldeger atanǵan Roza Beısekenova aldaǵy naýryz aıynda Úndistanda ótkiziletin dúnıejúzilik sán baıqaýyna joldama alypty. Ol munda ulttyq naqyshtaǵy kıim úlgilerin álemdik sán korıfeıleriniń nazaryna usynbaq.
Temir QUSAIYN,
«Egemen Qazaqstan»
Aqtóbe
