Oblys joldarynda 2016 jyly 2086 apatty jaǵdaı tirkelse, bul kórsetkish 2017 jyly 1934 oqıǵaǵa deıin tómendedi. Bul týraly oblystyq ishki ister departamentiniń ótken merzimdegi jumys qortyndysy boıynsha ótken jedel keńeste aıtyldy. Jalpy, aımaqtaǵy qylmystyq ahýal qalypty jaǵdaıda bolǵanymen, keıbir baǵyttar boıynsha alańdaýǵa negiz bar.
Mysalǵa, bir jyl ishinde páter tonaý men uıaly telefon urlaý faktileri azaımaı otyr. Esepti kezeńde úı tonaý 7,1 paıyzǵa, telefon urlaý 5,8 paıyzǵa kóbeıgen. Qylmyspen kúres pen aldyn alý jumystaryna jetisýlyq tártip saqshylary jumyla kirisip, nátıjeli áreket etýde. Ishki ister organdarynyń jumysyn jandandyrý maqsatynda Almaty oblysy qarjylandyrý úlesi artyp, 2017 jyly memleket qorjynynan 11,9 mlrd teńge bólingen.
Qalmahanbet Muqametqalı,
«Egemen Qazaqstan»
Almaty oblysy
