Memleket basshysynyń О́kimimen Erkin Valıthanuly Tuqymov Qazaqstan Respýblıkasy Qaýipsizdik Keńesiniń Taldaý bóliminiń meńgerýshisi qyzmetinen bosatyldy.
Erkin Valıthanuly Tuqymov 1973 jyly 2 shildede týǵan, ulty – qazaq.
1991-1997 jyldary – Varshava ýnıversıtetiniń halyqaralyq qatynastar ınstıtýtynda (Polsha Respýblıkasy) oqyǵan. Halyqaralyq qatynastar magıstri (úzdik dıplom).
2015-2016 jyldary – Garvard ýnıversıtetinde, Dj.Kennedı atyndaǵy memlekettik basqarý mektebinde (AQSh) oqyǵan. Memlekettik basqarý magıstri.
Saıası ǵylymdar kandıdaty.
QR SIM II synyptaǵy keńesshi dıplomatııalyq dárejesine ıe.
Polıak jáne aǵylshyn tilderin meńgergen.
Eńbek jolyn 1997 jylǵy qazan aıynda QR Prezıdenti janyndaǵy Qazaqstannyń strategııalyq zertteýler ınstıtýtynyń syrtqy saıası zertteýler bóliminiń aǵa ǵylymı qyzmetkeri bolyp bastaǵan.
2000 jylǵy qarashadan 2005 jylǵy qańtarǵa deıin – osy bólimniń meńgerýshisi.
2005 jylǵy qazannan 2007 jylǵy qazanǵa deıin – Demokratııany damytýdyń Ortalyq Azııa qorynyń bas dırektory.
2007 jylǵy qarashadan 2008 jylǵy mamyrǵa deıin – QR Prezıdenti Ákimshiliginiń Aqparattyq-taldaý ortalyǵynyń strategııalyq taldaý sektorynyń meńgerýshisi.
2008 jylǵy maýsymnan 2008 jylǵy qazanǵa deıin – QR SIM Ortalyq Azııa departamenti dırektorynyń orynbasary, 2008 jylǵy qazannan 2010 jylǵy qańtarǵa deıin – osy departamenttiń dırektory.
2010 jylǵy qańtarda Memleket basshysynyń ókimimen Qazaqstan Respýblıkasy Qaýipsizdik Keńesiniń Taldaý bóliminiń meńgerýshisi bolyp taǵaıyndaldy.
«Eren Eńbegi úshin», «Qazaqstan Respýblıkasynyń táýelsizdigine 20 jyl» medaldarymen, QR SIM merekelik medalimen marapattalǵan.
Úılengen, qyzy jáne uly bar.
