«О́zderińiz biletindeı, Qazaqstan Prezıdenti Nursultan Nazarbaev 16 qańtarda Vashıngtonǵa bardy. Jalpy, men Nazarbaevty asa kórnekti saıası qaıratker dep sanaımyn. Ol – prezıdentter arasyndaǵy eń myqtylardyń biri. Tipti postkeńestik keńistiktegi eń myqty prezıdent deýge bolady. Men Nazarbaev pen Tramptyń ne jóninde ýaǵdalasqanyn muqııat saraladym. Qandaı keremet ózara túsinistik! Qazaqstanǵa 50 mıllıard dollar Amerıka ınvestısııasy tartylǵan. 50 mıllıard dollar! Qazaqstan beıbitshiliktiń, dostyq pen bereke-birliktiń arqasynda órkendeýde. Qarańyzshy, ekonomıkasy qalaı damyp keledi! Men Almatyda bolyp, jaǵdaıdy jete zerttedim. Halyqtyń qalaı ómir súrip jatqanyn kórdim. Men Nazarbaevtyń óziniń halqyn nyq senimmen, ákelik qamqorlyqpen órkendeý jolyna bastap bara jatqanyna kýá boldym. Ol – danyshpan adam. Nazarbaev – Shyǵystyń danagóıi» deıdi ýkraınalyq jýrnalıst.
Sondaı-aq, D.Gordon KSRO-nyń tuńǵysh ári jalǵyz prezıdenti M.Gorbachevtiń Elbasy týraly sózin eske alady: «Kezinde Gorbachev maǵan Nazarbaev týraly kóp aıtqan bolatyn. KSRO-nyń ydyraýy aldynda Gorbachev Nazarbaevtyń Premer-Mınıstr bolǵanyn qalady. Endi qarańyzdar, ol amerıkalyqtarmen, Tramppen ortaq til tapty. Tramp ol týraly tebirene sóıledi.»
