«Tórtinshi ónerkásiptik revolıýsııa jaǵdaıyndaǵy ómir súrý jedel beıimdelýdi talap etedi. Jýyrda Tatarstan Respýblıkasyna issapar barysynda olardyń tyń jańalyqtary kóp ekenine kózimiz jetti. Innopolıs «aqyldy qalasynda» tipti mektep oqýshylarynyń ózi 3D-prınterler qoldanyp júr. Osy oraıda oblys ákiminiń arnaıy bilim granttary bólinip, Elbasy Joldaýynda kórsetilgen bolashaqta suranysqa ıe bolatyn kadrlardy daıyndaıtyn bolamyz», dedi oblys ákimi.
Aımaq basshysy laýazymdy tulǵalarǵa oblys mektepterin ınternet jáne beınequrylǵylarmen qamtamasyz etip, balalar tehnoparkteri men bıznes-ınkýbatorlarynyń jelisin qurý jáne jas ǵalymdarǵa ǵylymı granttar aıasynda kvota bólýdi júıeli qoldaný boıynsha sharalar qabyldaýdy tapsyrdy.
Jańa Joldaý sheńberinde jumys isteıtin jáne basqa da josparlanǵan sharalar týraly óńirdegi jaýapty adamdar baıandady.
Y.Jaqaev atyndaǵy kúrish sharýashylyǵy qazaq ǵylymı-zertteý ınstıtýtynyń bas ǵylymı qyzmetkeri Aleksandr Podolskıhtiń aıtýynsha, Qyzylordada jańa seleksııalyq tehnologııa jasaqtalyp, oǵan patent alynypty. – Álemde kúrish tuqymynyń eki negizgi túri ósiriledi – ındıka jáne ıaponıka, al álemdik naryq suranysynyń 80 paıyzy ındıka túrine tıesili. Biz halyqaralyq jáne reseılik kúrish sharýashylyǵyn ǵylymı-zertteý ınstıtýttarynyń tájirıbeleri negizinde jańa seleksııalyq tehnologııany ázirlep, oǵan patent aldyq. Sonymen qatar bıyldan bastap Qyzylordada kásipkerlerdiń suranysyn eskeretin sorttar naryǵy jumysyn bastaıdy. Odan bólek, ónimdi tereń óńdeý jumystary da júrgizilýde. Máselen, 500 myń tonna ónimdi óńdeý barysynda 100 myń tonna kúrish qabyǵy men 500 myń tonna kúrish sabany qalady. Al kúrish qaldyqtaryn sý men tyńaıtqyshtardy únemdeý maqsatynda topyraqqa qosýǵa jáne joǵary sapaly qaǵazdyń túr-túrin jasaý úshin paıdalanýǵa bolady, – dedi Aleksandr Podolskıh.
Aktıv otyrysynyń qorytyndysy boıynsha oblys ákimi memlekettik organ basshylaryna Joldaýdy jan-jaqty júzege asyrý boıynsha naqty mindetter júktedi.
Erjan BAITILES,
«Egemen Qazaqstan»
QYZYLORDA
