Iske qosylǵan ınnovasııalyq qondyrǵy qys kezinde júk vagondarynda jolda qatyp qalǵan júkterdiń túsirilýin jedeldetip, zaýytqa jetken kezde vagondardyń turyp qalý ýaqytyn azaıtatyn kórinedi.
– Jalpy, ár kásiporynda júk tasýshy vagondardyń «jibitkishi» bolý kerek degen másele burynnan talqylanyp keldi, – deıdi kásiporyn dırektory Sergeı Prokopev. – Shetel kásiporyndarynyń tájirıbesi de zertteldi. О́tken kúzde naqty sheshimge keldik. Soltústiktiń sýyq aýa raıyna saı, qondyrǵyny ornalastyrýdyń tıimdi orny, qurylymy men qoldanylatyn jabdyqtyń túri anyqtaldy.
Sóıtip alǵashqy kezegi paıdalanýǵa berilgen vagon «jibitkish» alyp qondyrǵy ishine birden 8 júk vagony turatyndaı múmkindik týdy. Nátıjesinde, vagon jaqtaýlary nebary jarty saǵatta 70oS deıin qyzady. Avtomattandyrylǵan baqylaý júıesi qýatty rettep otyrady. Kelesi kezekte qondyrǵy táýligine shıkizat tıelgen 50 júk vagonyn «jibitip», jobalyq qýatynda jumys isteı bastaıdy. Erekshe qondyrǵy kásiporynnyń ónimdi jumys jasaýyna da asa qajet. Vagondarǵa tıelgen shıkizattyń toqtaýsyz jetkizilýi, túsirilýi mańyzdy. Zaýytta jyl saıyn 1 mıllıon tonnadan asa ferroqorytpa óndirilse, qazir basym bóligi alys shetelderge eksporttalýda. Kásiporynda sońǵy birneshe jyldyń ishinde óndiristik, ekologııalyq jáne áleýmettik ınvestısııalyq kóptegen jobalar júzege asyrylyp keledi. Zaýyt mamandary, jumysshylary eńbek jetistiktermen birge, qys kezinde joldan kelgen shıkizat tıegen júk vagondaryn «jibitkish» sııaqty ınnovasııalyq sheshimderdi izdestirý jolynda eńbek etýde.
Farıda BYQAI,
«Egemen Qazaqstan»
Pavlodar oblysy,
Aqsý qalasy
