Ádette «Gelendvagen» kóligin jurttyń bári biledi. Onyń baǵasynyń da qymbat, múmkindiginiń de joǵary ekeni belgili. Al myna buryn jurt estip-kórmegen «Qazaqvagen» kóliginiń qurastyrylýy shynynda da eldi eleń etkizdi.
Kólikti oılap tapqan ónertapqyshtyń aty-jóni – Tólegen Iýsýpov. Talas aýdanynyń týmasy. Qarapaıym qoıshy úsh dóńgelekti motosıklden kólik jasap, onyń atyn «Qazaqvagen» dep qoıypty. Alǵashynda Tólegenniń bul kóligine qyzyqqan kórshileri ony vıdeoǵa túsirip alyp, áleýmettik jelilerge jarııalap jibergen. Sodan beri «Qazaqvagen» kóligin qyzyqtaýshylar da, oǵan tamsanýshylar da kóp.
Bir qaraǵanda «Gelendvagen» kóligine keletin «Qazaqvagen» saǵatyna 80 shaqyrym jyldamdyqpen júredi. Taǵy bir artyqshylyǵy, 100 shaqyrym qashyqtyqqa 1 lıtr janarmaı jaǵady eken. Bul kólik negizinen kún batareıasymen jumys isteıdi.
«Qazaqvagen» jol talǵamaıdy. Úsh adam syıatyn orny men júk salǵyshy bar. Tólegen Iýsýpov bul kólikpen mal baǵyp, tipti jaqyndary men dostarynyń toıyna da baratynyn aıtady. Al atalǵan kólikti ónertapqyshtyń qalaı jasap shyǵarǵanyn bilgisi keletinder de kóp. Áýeli ónertapqysh úsh dóńgelekti motosıklge qozǵaltqysh pen rýl ornatqan. Odan keıin syrtyn alıýmınıımen qaptapty. О́zi kólikti qurastyryp shyǵarýda eshqandaı shyǵyn bolmaǵanyn aıtady. Onyń ishinde qýattaǵysh, pesh, kondısıoner de bar eken. Daýylda da, jaýynda da, aıaz ben aptap ystyqta da jol talǵamaıtyn «Qazaqvagen» kóligine biraz azamattar tapsyrys berip qoıypty.
Hamıt ESAMAN,
«Egemen Qazaqstan»
Jambyl oblysy
