Jaqynda osy muzaıdynda shahardaǵy stýdentter men mektep oqýshylary arasynda «Kóńildi start» oıyny uıymdastyryldy. Muzaıdynǵa konkı tebýge kelgen jastar úsh komandaǵa bólinip, sporttyń 5 túrinen synǵa tústi. «Mundaı sporttyq jarystardy ár aptanyń senbi-jeksenbi kúnderi dástúrli túrde ótkizip otyramyz. Bul joly shara sońynda «Temekini táttige almastyr» atty aksııa uıymdastyryp, shylym shegetin jasóspirimderdi salaýatty ómir saltyn ustanýǵa, temekini tastaýǵa shaqyrdyq. Jastar temeki tartqansha bir mezgil konkı teýip, denelerin shynyqtyryp, densaýlyqtaryn nyǵaıtqany ǵanıbet emes pe? «Altaı» stadıonyna kelýshiler tek konkı tebýmen ǵana shektelmeıdi, hokkeı de oınaı alady. Biz aldaǵy aptada oqýshylar arasynda hokkeı týrnırin ótkizýdi josparlap otyrmyz. Úsh nusqaýshymyz bar. Olar konkı tebe almaıtyndarǵa konkıde júrýdi úıretedi. Medısınalyq beket kúni boıy jumys isteıdi. Muzaıdynǵa kelýshilerdiń kóptigin eskere otyryp bıyl 200 dana jańa konkı satyp aldyq», - deıdi «Altaı» stadıonyndaǵy muzaıdynǵa jaýapty mekeme «Gosstroı» JShS dırektory Erlan Jarmuhamedov. Onyń aıtýynsha, muzaıdynǵa demalys kúnderi 3 myńǵa, jumys kúnderi 500-ge jýyq halyq keledi.
О́skemen qalalyq dene shynyqtyrý jáne sport bóliminiń bergen málimetterine súıensek, búginde oblys ortalyǵynda «Altaı» stadıonyn qosa alǵanda 8 muzaıdyn shahar turǵyndary úshin jumys istep tur. Sonymen qatar qaladaǵy mektepterdiń janynda 36 shaǵyn muzaıdyn bar. «О́skemen turǵyndaryna Komsomol aralynda, «Metallýrgter» saıabaǵynda, «Tıtan» stadıonynda, Etnoaýylda, «Nurly jol» saıabaǵynda, Komendantka ózeniniń jaǵalaýynda jáne Amfıteatrdaǵy muzaıdynda konkı tebýge barlyq múmkindik jasalǵan. Turǵyndarǵa qolaıly bolý úshin kıinip-sheshinetin oryndar qarastyrylǵan, shaı iship, boı jylytatyn shaǵyn dámhanalar jumys isteıdi. Qalalyqtar Komsomol aralynda, Ablaket yqsham aýdanynda jáne Olga Rypakova atyndaǵy jeńil atletıka menejiniń artyndaǵy shańǵy joldarynda shańǵy tebýlerine de bolady. Bul shańǵy joldarynda qalalyq jáne oblystyq deńgeıdegi jarystar uıymdastyrylyp turady», - deıdi qalalyq dene shynyqtyrý jáne sport bóliminiń basshysy Almas Ataev.
Azamat QASYM,
«Egemen Qazaqstan»
О́SKEMEN
Sýretterdi túsirgen avtor
