Jeke quram aldynda Jumyspen qamtý jáne áleýmettik baǵdarlama bólimi basshysynyń orynbasary Aıdar Samaev sóz sóıledi.
- Elbasymyzdyń Joldaýynyń negizgi basymdylyǵy memlekettiń órkendeýinde strategııalyq qujat,-dep atap aıtty Aıdar Samaev,-osy Joldaýynda Prezıdent birinshi kezekte elimizdiń jetistikterin atap otyr. Joldaýda ekonomıkalyq jáne áleýmettik salalar aıasynda negizgi on basym baǵyt aıqyndalǵan. Jetinshi mindette adamı kapıtal – jańǵyrý negizi ekeni kórsetilgen.
Aıdar Samaev Prezıdent birinshi kezekte áleýmettik kómek salasynda, birqatar jańa reformalar engizgenine toqtalyp, «Rýhanı jańǵyrý» maqalasyn talqylaý kezinde, osy baǵyttaǵy jumysty jalǵastyrý kerek ekenin sóz etti.
- Al osy negizgi 10 mindetterge qol jetkizý úshin barlyq baǵdarlamalyq qujattar bar,-dedi ol sózin jalǵaı kele,-olar «Qazaqstan-2050» strategııasy», «Ult jospary – 100 naqty qadam», «Qazaqstannyń úshinshi ıjańǵyrýy», «Indýstrııalandyrý baǵdarlamasy», «Sandyq Qazaqstan» keshendi baǵdarlama, «Qazaqstan Respýblıkasynyń 2025 jylǵa deıingi strategııalyq damý jospary».
Kezdesý sońynda Semeı qalasynyń TJB bastyǵy Qanat Ábdilov 2018 jylǵy Joldaý jańa álemge, ıaǵnı Tórtinshi ónerkásiptik revolıýsııa álemine beıimdelý men jetistikke jetý jolyn tabý úshin ne isteý qajettigin aıqyndaıtynyn jańasha baǵyt-baǵdar ekendigin atap aıtty.
Raýshan Nuǵmanbekova,
Semeı
Sýretterdi túsirgen avtor
