Habarlamada negizgi mindetterdiń biri koreı ultynyń birigýi ekeni, QHDR men Ońtústik Koreıanyń birigý máselesiniń qarastyrylý kerektigin aıtylǵan. Sonymen qatar bul jaǵdaıǵa úshinshi taraptyń jol berilmeıtini kórsetilgen. Soltústik Koreıa bıligi sonymen qatar zymyran men ıadrolyq baǵdarlamalarǵa baılanysty syndy azaıtýdy suraǵan jáne bul saıasat soltústik pen ońtústiktiń birigýine kedergi emestigin aıtqan.
Phenıan ıadrolyq soǵysqa arandatyp otyrǵan AQSh-qa koreı ulty birigip qarsy turý kerektigin aıtty. QHDR Soltústik pen Ońtústiktiń gýmanıtarlyq jáne saıası máseleler boıynsha qarym-qatynasyn damytýǵa shaqyrdy. Habarlamada saıası partııalar arasyndaǵy baılanysty nyǵaıtý kerektigi de aıtylǵan.
Soltústik Koreıa 2018 jyl eki taraptyń qarym-qatynasyndaǵy "úlken ózgerster" jyly bolatynyna senim bildirdi. jyl basynda QHDR men Ońtústik Koreıa sheneýnikteri kelissóz júrgizdi.
QHDR bıliginiń habarlamasy úkimet pen saıası partııalardyń birlesken otyrysynan keıin memlekettik BAQ-ta da jarııalandy.
Esterińizge sala ketsek, 2018 jylǵy qysqy Olımpıadanyń saltanatty ashylýynda KHDR men Ońtústik Koreıa sportshylary «Birtutas Koreıa» týynyń astynda shyǵady. Týdy qos memlekettiń bir-bir sportshysy ustap shyǵady. Al ánurannyń ornyna «Arıran» áni shyrqalady. Bul usynysty HOK qabyl aldy. Eki eldiń sportshylary bir týdyń astynda sońǵy ret on eki jyl buryn, ıaǵnı 2006 jyly Týrınde ótken qysqy Olımpıadada shyǵypty.
