Endi Aqsaı qalalyq №8 jalpy orta bilim beretin mektebi atalatyn bul bilim ǵımaratyna ótken jyly ǵana paıda bolǵan 100 úılik Araltal shaǵyn aýdanynyń balalary barady. Mektep ǵımaraty tolyqtaı zamanaýı úlgide salynyp, qajetti kerek-jaraqtarmen qamtamasyz etilgen. Munda sport zaldary, ashana, zerthana kabınetteri men sheberhana, sondaı-aq shaǵyn ortalyq jumysyna arnalǵan arnaıy oryndar ashylǵan.
Mektep ǵımaratynyń ashylý saltanatyna Batys Qazaqstan oblysy ákiminiń orynbasary Ǵabıdolla Ospanqulov qatysyp, barlyq ata-analar men muǵalimderdi, oqýshylardy aıtýly oqıǵamen quttyqtady.
- Elbasy bıylǵy Joldaýynyń «Adamı kapıtal – jańǵyrý negizi» atty jetinshi baǵytynda elimizdegi bilim berý salasyna erekshe kóńil bólip, bul iste ozyq júıeni qalyptastyrý kerektigin aıtqanyna toqtaldy. Sondaı-aq «Rýhanı jańǵyrý» baǵdarlamasynda da memlekettiń alǵa damýy tek bilimniń saltanat qurýy arqyly ǵana múmkin dep aıtylǵan. Bul oraıda oblys kóleminde atqarylǵan aýqymdy ister kóp. Jyl saıyn bilim sapasyn kóterý, muǵalimderdiń biliktiligin arttyrý baǵytynda tynbaı jumys jasalyp, jańa bilim berý nysandarynyń qurylysy júrgizilip jatyr, - dedi Ǵabıdolla Ospanqulov.
О́tken jyly batys Qazaqstan oblysynda 24 bilim berý nysany salynsa, bıyl qańtar aıynyń ózinde jańadan 2 mektep paıdalanýǵa berildi.
Qazbek QUTTYMURATULY
«Egemen Qazaqstan»
Sýretterdi túsirgen Aıbatyr NURASh
Batys Qazaqstan
