Qazaqstan ǵalymdary Memleket basshysynyń ǵylymdy kóp qajetsinetin, eksportqa baǵdarlanǵan ónerkásibi bar ınnovasııalyq ekonomıka qalyptastyrý boıynsha tapsyrmasyn iske asyrý aıasynda eldiń damýyna jáne otandyq ǵylymnyń álemde aldyńǵy qatarǵa shyǵýyna óz úlesterin qosýda.
Osylaısha ál-Farabı atyndaǵy Qazaq ulttyq ýnıversıtetiniń ǵalymdary rektor, akademık Ǵ.M.Mutanovtyń basshylyǵymen berıllıı óndirýdiń jańa tehnologııasyn ázirledi. Ol eń tıimdi, ekologııalyq jáne biregeı tehnologııa retinde halyqaralyq moıyndaýǵa – AQSh patentine ıe boldy.
Alynǵan patent avtorlar ujymy úshin úshinshi halyqaralyq AQSh patenti bolyp tabylady. Aldyńǵy eki patent О́skemen qalasyndaǵy Úlbi metallýrgııalyq zaýyty janyndaǵy berıllıı zerthanasynyń qyzmetkerleri jáne D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń ǵalymdarymen birge alynǵan bolatyn. Jalpy, avtorlyq ujymnyń ınnovasııalyq zerttemeleri álemdik deńgeıdegi 2 jańalyq, 10 tehnologııa, 18 patent, 4 aldyn-ala patent jáne 9 engizý aktisi materıaldarymen dáleldengen.
Avtorlar ujymy ázirlegen berıllııdi alý, qaıta óńdeý jáne daıyn ónimdi shyǵarý tehnologııasy ónerkásiptik deńgeıde óndiriske engizildi. Jańa tehnologııalardy engizý negizinde avtorlar berıllıı totyǵynan biregeı elektrofızıko-hımııalyq qasıetterge ıe, eksportqa baǵdarlanǵan ónimniń 150-den astam jańa túrlerin alýǵa qol jetkizdi. Bul ónim Reseı, Ýkraına, Belarýs, Polsha men Izraıl elderi áskerı-ónerkásiptik keshenderiniń qorǵanys oryndaryna eksporttalady.
Qazirgi kezde osy óńdeýdi óz kásiporyndarynda engizýge álemniń jetekshi elderi – AQSh, Qytaı, Izraıl, Úndistan jáne t.b. asqan qyzyǵýshylyq tanytýda.
Alynǵan jetistikter ujymnyń kóp jyldyq yntymaqtastyǵynyń nátıjesi ári ǵylym-bilim-óndiristiń naqty yqpaldastyǵynyń kórsetkishi bolyp tabylady jáne otandyq ǵylymnyń jańa damý belesine shyǵýyna múmkindik beredi.
Arman OKTIаBR,
«Egemen Qazaqstan
