«Bul án burynǵy ánnen ózgerek» dep Shákárim qajy aıtqandaı, bıylǵy Joldaýdyń – jóni bólek, joly basqa. Olaı deıtinimiz, zamanaýı tehnologııalar ózgeriske ushyrap, jahandyq ilgerileýshilikter ózimen birge syn-qaterlerdi de ala kelýde. Álemdi alqymynan alar daǵdarystardyń qaýpi de asa zor. Qarqyndy júrip jatqan jahandaný da ult aldyna asa kúrdeli mindetter qoıyp otyr. Osyndaı syn kezeńde keleshekte bolýy ábden yqtımal qıyndyqtardyń aldyn alyp, ony eńserýdiń adastyrmas aq jolyn kórsetken, tereń oıly, tekti sóz!... Bul – Joldaý kóregendiktiń taǵy bir kórkem de kermıyq, keremet kórinisi!...
«Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Elbasy Joldaýynda taıǵa tańba basqandaı ap-aıqyn kórinip tur. Bul Joldaýdyń ár bólimi, ár abzasy ǵana emes, ár joly – «Máńgilik Elge» alyp baratyn «Nurly jol».
Bul jolǵy Joldaýda buryn aıtylmaǵan ózekti, ótkir máseleler alshy túser saqaǵa quıylǵan qorǵasyndaı kókeıge qona ketedi. Bir ǵana mysal, Elbasy alǵa qoıǵan jetinshi mindet: «Adamı kapıtal – jańǵyrý negizi». Qazaqstannyń eń basty baılyǵy – altyny, munaıy, gazy ǵana emes, jańarǵan ómirge saı jańa sapadaǵy bilimdi, eńbekqor halqy.
El bastaǵan kósemi – kemel oıly kemeńger, halqy el súısingen eńbekker bolsa, eńserilmes qıyndyq, alynbas asý joq. Búgini – nurly, keleshegi – kemel Qazaqstan sonyń aıqyn aıǵaǵy!
Prezıdent erekshe mán berip otyrǵan «adamı kapıtal» jaıly aıtsaq, kez kelgen memlekettiń úsh alyp tiregi bar. Olar: jerasty baılyǵy, óndiris oryndary men adam kapıtaly. Osy úsh alyptyń negizgisi – Elbasy Joldaýynda aıtylǵan «adamı kapıtal». Osy tusta, Bıll Geıtstiń: «Biz baıýdy maqsat etip bar kúshti baılyqqa jumsadyq. Nátıjesinde, adamı qundylyqtardan aıyrylyp qaldyq», – degen sózi qalam ushyna oralyp tur. Prezıdent Joldaýynyń ár joly eren eńbekke jumyldyryp, jigerińdi janyp, rýhyńdy asqaqtatady.
Bir sózben aıtsaq, bıylǵy Joldaý – ótken joldaýlardy múlde qaıtalamaıtyn jańa oılarǵa toly, ózgeshe Joldaý!..
Elbasy Joldaýy – el ómirindegi eleýli oqıǵa.
Sábıt DOSANOV,
Memlekettik syılyqtyń laýreaty, jazýshy
