Beısenbi, 25 qańtar kúni de qaladaǵy 1 Mamyr - Toraıǵyrov kósheleriniń qıylysynda 1 Mamyr, Toraıǵyrov jáne Krýpskaıa kóshelerindegi 15 qabatty turǵyn úıdiń turǵyndary ýaqytsha sýsyz qalǵan. Tozǵan sý qubyrlaryndaǵy aqaýlarǵa qatty aıaz sebep bolǵan. Sonymen birge, oblys ákimdiginiń saıtyna kún saıyn turǵyn úılerdegi temperatýranyń tómendeýine baılanysty turǵyndardan shaǵymdar túsýde. Mysaly, Tolstoı kóshesi, 82 úı, Kataev kóshesi 12 úıdiń páterlerindegi temperatýra 18 gradýsqa áreń jetip tur. Turǵyndar oblys ákimi Bolat Baqaýovqa páterlerindegi temperatýra 14-16 gradýs deńgeıinde ǵana turǵanyn, jylytqyshtarmen jylynyp otyrǵandaryn jazýda. Qazir óńirde qatty aıaz. Túnde -35, -40 gradýsqa jetýde. Barlyq bólimder kezekshilikte, aıazǵa baılanysty kommýnaldyq salaǵa qatysty jumystar tolyq baqylaýda. Ákimdikterde jedel telefon baılanystary qosylǵan.
Farıda Byqaı,
«Egemen Qazaqstan»
Pavlodar
