Prezıdent N.Nazarbaev jyl saıynǵy Qazaqstan halqyna arnaǵan Joldaýlarynda bilim salasyn eshqashan nazardan tys qaldyrǵan emes. Bıyl da elimizdiń tórtinshi ónerkásiptik revolıýsııa jaǵdaıyndaǵy damýynyń negizderin kórsetken Elbasy adam kapıtalynyń damýyna, onyń ishinde bilim salasyna erekshe toqtaldy.
Elbasy óz Joldaýynda «Barlyq jastaǵy azamattardy qamtıtyn bilim berý isinde ózimizdiń ozyq júıemizdi qurýdy jedeldetý qajet. Bilim berý baǵdarlamalarynyń negizgi basymdyǵy ózgeristerge únemi beıim bolý jáne jańa bilimdi meńgerý qabiletin damytý bolýǵa tıis. Pedagogtardy oqytý jáne olardyń biliktiligin arttyrý joldaryn qaıta qaraý kerek bolady. Elimizdiń ýnıversıtetterindegi pedagogıkalyq kafedralar men fakýltetterdi damytý qajet», dep atap ótti.
Prezıdenttiń bul tapsyrmasy Ońtústik Qazaqstan memlekettik pedagogıkalyq ýnıversıtetiniń ujymyna da asa zor jaýapkershilik júktep otyr. Jańa býynnyń pedagogtary oqýshyǵa tek bilim berip qana qoımaı, ony óz betinshe izdenýge mashyqtandyryp, balanyń boıynda ómir boıy jańa bilimderdi meńgerý qabiletin qalyptastyrýy tıis. Biz óz túlekterimizdiń osy talaptarǵa saı bolýyna únemi basa nazar aýdaryp kelemiz.
Máselen, bizdiń oqý ornynda Tuńǵysh Prezıdent atyndaǵy ortalyq jumys isteıdi. Ǵylymı-ınnovasııalyq kabınet N.Nazarbaev ortalyǵy dep atalady. Bul kabınette joǵary jyldamdyqty lokaldy jáne Wi-Fi ınternet júıesi bar. Bul jerde ǵylymı jobamen aınalysatyn stýdentter men oqytýshy-professorlar quramy jumys isteıdi.
Ońalbaı AIаShEV,
oblystyq máslıhattyń depýtaty, Ońtústik Qazaqstan pedagogıkalyq ýnıversıtetiniń rektory
Ońtústik Qazaqstan oblysy
