Elbasynyń kezekti Joldaýyn muqııat tyńdadyq. Rasynda da, kólik-logıstıka ınfraqurylymynyń tıimdiligin arttyrý zaman suranysynan týyndap otyr. Memleket basshysy Qazaqstan arqyly ótken júk tranzıtiniń byltyr 17 paıyzǵa ósip, 17 mıllıon tonnaǵa jýyqtaǵanyn aıtty. Sonymen qatar bizdiń aldymyzǵa tranzıtten túsetin jyl saıynǵy tabysty 2020 jyly 5 mıllıard dollarǵa jetkizý mindetin qoıdy. Buǵan Qostanaı oblysy da aıtarlyqtaı úles qosatynyna senimdimin. Jalpy, Qazaqstanda qurastyrylatyn iEv7S elektromobılderi Qytaıdyń JAC markasynyń negizinde jasalǵan. Is júzinde bul avtokólik NEDC sıklimen 280 shaqyrymǵa deıin toqtamaı júre alady. Eger jyldamdyqty 60-tan asyrmasa 350 shaqyrymǵa deıin barýǵa bolady. Al avtokólik batareıasyn tolyq qýattaý úshin shamamen 7 saǵat ýaqyt qajet. 2018 jyldyń aıaǵyna deıin Qostanaıda 500 elektromobıl qurastyryp shyǵarý josparlanǵan. Kóliktiń baǵasy shamamen 7,5 mln teńgeden bastalady. Atalǵan kólikterdiń jalpy satylymǵa dál qaı kezde shyǵatyny ázirge belgisiz.
Aldaǵy ýaqytta júk qozǵalysyn onlaın júıede baqylap, oǵan sıfrly tehnologııalardyń aýqymdy túrde engizilýin qamtamasyz etý josparda tur. Bul logıstıkanyń barlyq býynynyń ózara baılanysyn uıymdastyrýǵa múmkindik beredi. Bizdiń kásiporyn Qytaı, Reseı, О́zbekstan sııaqty eldermen tyǵyz baılanysta. Sońǵy jeti jyl ishinde zaýyt 30 myń avtokólik shyǵardy. Avtobýs óndirisi 12,4 esege artty. Byltyrdan beri 215 «Iveko» markaly avtobýs qurastyrylyp, Astanada ótken EKSPO-2017 halyqaralyq kórmesine kelýshilerdi tasymaldaýǵa jóneltildi. «SaryarqaAvtoProm» JShS-nyń óndiristik alańynda ANKAI atty avtobýstardyń birlesken zaýyty iske qosyldy. Avtobýstar «Eýro 5» ekologııalyq talaptaryna saı keledi. Gazben de, dızel otynymen de júredi.
Sergeı MOGILATOV,
«SaryarqaAvtoProm» JShS dırektorynyń orynbasary
