Elimiz óziniń táýelsizdik alǵannan beri 26 jyldyq damý kezeńine abyroımen ótip, halyqarlyq arenada bıik bilesterdi baǵyndyrdy. О́ziniń ekonomıkalyq damý qarqynyn aldyńǵy qatarly ozyq elderdiń qataryna qosylýymen dáleldedi. Elbasy taldap kórsetkendeı, adamzat jańa ónerkásiptik revolıýsııa dáýirine aıaq basqan tusta memleketimiz rýhanı jańǵyrýǵa berik negiz qalady.
Qazaqstannyń 2050 jylǵa deıingi damý Strategııasyndaǵy basty másele, ol – álemdegi ozyq otyz eldiń qatarynda bolý. Oǵan bizdiń múmkindikterimiz mol, biraq sol múmkindikterdi sanaly túrde, sapaly deńgeıde iske asyrýymyz qajet.
Búginde dúnıejúzi tórtinshi ónerkásiptik revolıýsııa qarsańynda tur. О́mirge jańa tehnologııa – qoǵamnyń kóp salasyn sıfrandyrý tehnologııasy keldi. Biz oǵan daıyn bolýymyz kerek. Prezıdent atap ketken on negizgi basymdyqtardyń túıini – ol sıfrly tehnologııa. Álem elderi de sıfrly tehnologııaǵa bet alady. Osyndaı úlken iste bar máseleni sheshetin árıne bilikti mamandar ekeni belgili. Olaı bolsa Joldaýda muǵalimderdiń jumysy, ustazdardyń mártebesin kóterý jaıy erekshe ataldy. Shynynda elimizdiń bolashaǵyn jasaıtyn mamandardyń bári muǵalimniń, ustazdyń qolynnan ótedi. Olaı bolsa, ustazǵa degen qurmet – el damýynyń kepili.
Osy ýaqytqa deıingi jetistikterimiz ben tabystarymyzdyń negizi – basty qundylyqtarymyz – beıbitshilik, ultaralyq jáne konfessııalyq kelisim. Keleshekte de Elbasy N.Nazarbaevtyń basshylyǵynyń arqasynda elimiz joǵaryda kórsetilgen qundylyqtarǵa súıene otyryp damı beretinine kúmán joq. О́ıtkeni Elbasy qıyn kezeńderde týra jol taýyp, el damýyna arnalǵan josparlar men reformalardy tıimdi júrgizgeniniń nátıjesinde Qazaqstandy álemge tanytty, basqalarǵa moıyndatty. Olaı bolsa, bizder Qazaqstan halqy Assambleıasynyń barlyq músheleri barsha qazaqstandyqtarmen birge osy Joldaýdyń mindetterin iske asyrýǵa úlken talpynyspen, ynta-jigermen kirisýimiz qajet.
Qalqaman JAQYP,
Qazaqstan halqy Assambleıasynyń múshesi,
A.Baıtursynov atyndaǵy QMÝ-diń professory
