Saraptama júrgizýdegi maqsat – Konstıtýsııa normalary men Qazaqstan Respýblıkasynyń zańnamasyna, azamattardyń quqyqtary men bostandyqtaryna teris áser etetin zań buzýshylyqtardy anyqtap, olarǵa saraptama jasaý.
Dinı saraptama obektilerine dinı mazmundaǵy jáne dinı baǵyttaǵy nysandardy qamtıtyn aqparattyq materıaldar, rýhanı (dinı) bilim berý baǵdarlamalary, jarǵylyq jáne dinı mazmundaǵy basqa da qujattar jatady. Bul rette dinı ádebıetti, dinı mazmundaǵy basqa da aqparattyq materıaldardy, zattardy taratý dinı ǵımarattarda, rýhanı (dinı) bilim berý uıymdarynda, sondaı-aq Astana men respýblıkalyq mańyzy bar qalalarda, oblystardyń jergilikti atqarýshy organdary arnaıy belgilegen stasıonarlyq oryndarda ǵana ruqsat etiledi. Elimizde dinı materıaldar men buıymdardy saýdalaýǵa arnalǵan 257 arnaıy oryn bar.
Jeke paıdalanýǵa arnalǵan zattardy qospaǵanda, el aýmaǵyna dinı mazmundaǵy aqparattyq materıaldardy ákelýdi dinı saraptamanyń oń qorytyndysyn alǵannan keıin ǵana tirkelgen dinı birlestikter júzege asyrady. Budan bólek, dinı ekstremızmdi nasıhattaýǵa qarsy is-qımyl ınternet-resýrstardy taldaý arqyly júzege asyrylady. Máselen, 2017 jyly tek atalǵan mınıstrlik
10 174 ınternet-resýrstyń mazmunyna saraptama júrgizip, onyń ishinde 3 555 saıttyń zań buzýshylyq baǵyttaǵy qyzmetin anyqtady. Zań buzýshylyqtar anyqtalǵan saıttar boıynsha teris saraptamalyq qorytyndylar Aqparat jáne kommýnıkasııalar mınıstrligine tıisti prosessýaldyq sheshim qabyldaý úshin jiberiledi.
«Egemen-aqparat»
