Mýzeı qyzmetkerleriniń aıtýynsha, negizgi maqsat – Elbasy N.Nazarbaevtyń «Bolashaqqa baǵdar: rýhanı janǵyrý» baǵdarlamalyq maqalasynda kórsetilgendeı, jas urpaqty rýhanı, tarıhı muralardyń qundylyqtarymen tanystyrý jəne qadirlep, qasterleýge shaqyrý. Kórmege mýzeı qorynan XVIII-XX ǵasyrlarǵa jatatyn etnografııalyq jádigerler toptamasynan: quman, qazan, kóze, qýman-samaýryndar ornalastyrylǵan. Qoryq-mýzeı mamandary oqýshylarǵa ata-babalarymyz qoldanǵan ydystardyń árbirine qatysty tereń maǵlumat berip, túsindirdi. Tarıhı məni tereń dúnıelerge balalar da qyzyǵyp, kóbirek bilgisi ketelinderin baıqatýda.
Atalǵan baǵyttaǵy kórmeler aldaǵy ýaqytta da jalǵasyn tappaq. Jyl basynan beri Túrkistan qalasynda atalǵan kórme aıasynda 15-ke jýyq kezdesýler uıymdastyrylsa, jobany respýblıkalyq, oblystyq deńgeıde de júzege asyrý josparlanýda.
Aıta ketelik, Túrkistan qalasyna ótken jyly zııarat etip, tarıhı-mádenı eskertkishterdi tamashalaýǵa 1 090 755 azamat kelgen. Onyń 18 myńy sheteldik týrıster. Olar negizinen Qoja Ahmet Iаsaýı, Úkasha ata, Gaýhar ana keseneleri jáne Saýran qalashyǵyna erekshe qyzyǵýshylyq tanytqan.
Ǵalymjan ELShIBAI,
«Egemen Qazaqstan»
