11 synyp oqýshylary arasynda ótken olımpıadaǵa barlyǵy 214 oqýshy qatysyp, onyń 56-sy qorytyndy týrdan súrinbeı ótken. Nátıjesinde, Túrkııanyń «Sabanci» ýnıversıtetinde mańǵystaýlyq 15 oqýshy bilim alatyn boldy. Onyń 6-y 25%, taǵy 6 oqýshyǵa 50% jáne 2 oqýshy 75% jeńildik berilip otyr. Al 100% jeńildik, ıaǵnı tegin grantty Aqtaý qalasyndaǵy mamandandyrylǵan ekonomıkalyq lıseıiniń 11-shi synyp oqýshysy Aqmaral Amanturdıeva utyp aldy. Ol endi 4 jyl boıy Túrkııanyń astanasy Stambul qalasyndaǵy «Sabanci University» tegin bilim alatyn bolady.
-Men aǵylshyn tilin tereńirek oqýdy 10-shy synypta bastadym. Eń aldymen «Compass Education» ortalyǵynda aǵylshyn tili kýrsyna qatystym. Bos ýaqytymdy tıimdi ótkizý úshin qolymnan kitap túspedi. Shetelde bilim alý múmkindigi týraly mektepte muǵalimderden estigen edim. Sol kúnnen bastap til úırenýge bel býdym. Al olımpıada kezinde eki týrdan óttim. Birinshisi – test. Al ekinshisi - suqbat. Injener mamandyǵyn tańdadym. Qýanyshymda shek joq. О́z-ózime sene alar emespin, deıdi ol.
Sharaǵa Mańǵystaý oblysynyń kásipkerler palatasynyń ókilderi, oblystyq bilim basqarmasynyń orynbasary Gúlmıra Mamaeva, ata-analar jáne muǵalimder qatysty. Sonymen qatar, sharaǵa arnaıy Túrkııanyń «Sabanci University» aımaqtyq dırektory Ebrý Koch kelip, oqý grantyn jáne stıpendııalardy óz qolymen oqýshylarǵa tabys etti.
«Compass Education» shetelde bilim berý agenttiginiń dırektory Aıjan Quljabaevanyń aıtýynsha, Túrkııanyń «Sabanci» ýnıversıtetimen ózara yntymaqtastyq ornaǵan. Endi «Compass Education» aldaǵy 3 jyl boıy mańǵystaýlyq oqýshylardyń shetelde bilim alýyna qol ushyn sozýǵa daıyn.
-Biz Aqtaýda óz jumysymyzdy ótken jyly qyrkúıek aıynda bastadyq. Joǵary synyp oqýshylaryn shetelde bilim alýyna yqpal etýge daıynbyz. Qysqa merzimdi kýrstan ótemin deýshilerge de qoldaý kórsetiledi. Biz tek Túrkııa ǵana emes, álemniń kóptegen beldi oqý oryndarymen qoıan-qoltyq jumys jasaımyz. Sondyqtan da, bıyl 10-shy synypta oqyp jatqan oqýshylardyń qulaǵyna altyn syrǵa. 11 synypty aıaqtaımyn degenshe, aǵylshyn tilin barynsha tereńirek meńgerip, kelesi jyly osyndaı olımpıadaǵa qatysyp, grant nemese stıpendııa jeńip alýǵa múmkindik beriletinin qaperińizge beremiz, deıdi ol.
«Compass Education» shetelde bilim berý agenttigi oqýshylarǵa tek joldama berip qana qoımaı, alǵashqy birinshi kýrsty aıaqtaǵansha stýdentpen tyǵyz baılanys ornatyp otyrady. Sebebi bul stýdent úshin beıimdelý kezeńi. Sol kezeńnen súrinbeı ótken soń, qalǵan oqý jyldarynda stýdent ózin-ózi alyp ketýi tıis. Bolashaq stýdenttiń qajetti qujattaryn jınaqtaýdy óz mindetine alady. Vıza rásimdep, oqýshylarǵa bilim alatyn oqý orny, sol memleket týraly tolyqqandy aqparat alý úshin aldyn-ala arnaıy trenıng uıymdastyrady. Sabaq bastalǵan boıy stýdenttiń sabaǵyn, tártibin, turmystyq jaǵdaıyn qadaǵalaıdy. Sondaı-aq, ata-analardy da bul úrdisten tys qaldyrmaıdy.
Gúlaıym ShYNTEMIRQYZY,
«Egemen Qazaqstan»
