«Ol Qazaqstannyń et odaǵynyń tóraǵasy bolyp taǵaıyndalǵany týraly aqparat bar. Biz qazirgi kezde barlyq salalyq odaqtarmen ári birlestiktermen tyǵyz jumystardy bastadyq. Osy oraıda olarmen birlese, salada qordalanǵan máselelerdi sheshýge tyrysýdamyz», - dedi Arman Evnıev.
Onyń sózine qaraǵanda, Aýyl sharýashylyǵy mınıstrligi jobalyq keńseni nemese ashyq alańdy qurýda. Oǵan sarapshylar men bıznesmender tartylady.
«Onyń ishinde Asyljan Sarybaıuly da bizge kómektesýde, bul rette ol óziniń aqyl-keńesin beredi», - dedi ol.
Esterińizge sala keteıik, Asyljan Mamytbekov mınıstr laýazymynda 2011 jyldyń sáýirinen 2016 jyldyń mamyry aralyǵynda boldy. Budan buryn habarlanǵandaı, 2017 jylǵy jeltoqsannyń aıaǵynda A. Mamytbekov «Astana Banki» AQ dırektorlar keńesinen ketkendigi habarlanǵan edi.
