Álemdik topqa qaıta oralǵan Qazaqstan quramasy alǵashqy kezeńde Shveısarııamen kezdesedi. «Dáýlet» sport kóshenindegi saıystar juma kúni bastalady. Búgin komanda kapıtandary men oıynshylary tilshilermen júzdesti. Shveısarııa komandasynyń kapıtany Severın Lıýtı bul joly jastarǵa senim artatynyn tilgi tıek etip, jarysqa jaqsy daıyndyqpen kelgenderin jetkizdi. Shveısarııa Genrı Laaksonen, Adrıan Bodmer, Mark-Andrea Hýsler, Antýan Beler sekildi tennısshilerge senim artady. Qazaqstan sapynda Mıxaıl Kýkýshkın, Dmıtrıı Popko, Aleksandr Nedovesov jáne Tımýr Habıbýlın bar.
- Shveısarııa komandasy óte myqty bolyp sanalady. Rodjer men Stanıslas Vavrınka kelmegenine birinshiden qýanyshtymyz. Olar – myqty oıynshylar. Biraq biz túsinemiz. Devıs kýbogynda ár nárse bolýy múmkin. Bul oıyn óte mańyzdy, óte qıyn bolady dep oılaımyn. Biraq biz barlyq kúshimizdi tek utýǵa salamyz, - dedi tennısten Qazaqstan quramasynyń kapıtany Dıas Dosqaraev.
