Turǵyn úı qury­lys jınaq banki «Sıfr­ly Qazaqstan» baǵdarlamasy­na belsendi qatysady

Máselen, sıfrly tehnologııalardy qoldaný arqyly bank turǵyn úı qurylys jınaǵy týraly kelisimshartty ashý ýaqytyn 5 ese qysqartýǵa qol jetkize aldy (buryn bul 30 mınýt ýaqytty alatyn, qazir 7 mınýtqa deıin azaıdy). Budan bólek nesıe ótinimin qaras­tyrý da 1,5 kúnge deıin qysqardy (burynǵyǵa qara­ǵanda 4,5 ese az). 

Bul zamanaýı tehnologııalardy qoldanýǵa qatysty shaǵyn mysal ǵana. Aýqymdy jobalar týra­ly kelesini aıtýǵa bolady. 

2017 jyldyń kúzinde QTQJB biregeı servısin, atap aıt­qan­da, Baspana.kz jyljymaı­tyn múlik portalyn iske qosty. Tuń­­ǵy­sh ret memlekettik baǵdar­lama­lar aıasynda salynatyn tur­ǵyn úı­lerdiń barlyǵy bir jerge birik­tirildi. Bul jaı ǵana aq­parattyq saıt emes, bul – qyzmet kórsetý portaly. Munda elde qandaı turǵyn úı keshenderiniń salynyp jatqany týraly máli­met­terdi bilip qana qoımaı, mem­le­kettik baǵ­darlamaǵa qatysý­ǵa ótinish berýge, osydan keıin jobaǵa qa­ty­­sýshy satyp alǵysy keletin naq­ty bir páterdi tańdaýdan bas­tap memlekettik baǵdarlama bo­ıy­nsha zaem resimdeýge deıingi bar­lyq kezeńderden ótip shyǵýǵa bolady. 

Qazirgi ýaqytta portalda «Nurly jer» memlekettik baǵ­dar­lamasynyń aıasynda ákim­dikter jáne «Báıterek development» kompanııasy salǵan nemese salyp jatqan 200-den astam nysan týraly aqparat bar. 

Budan bólek Baspana.kz portalynda qazir banktiń «О́z úıim» atty jeke baǵdarlamasyna kiretin nysandar jaıynda málimetter engizilýde. Kelesi kezeń retinde portalda QTQJB arqyly satylatyn naryqtaǵy barlyq jańa úıler týraly aqparatty jarııalaý josparlanyp otyr. 

Búgingi kúni bankte keńesshi­lerdiń áleýmettik jelisi tolyq­qan­dy jumys istep jatyr. Ol QTQJB-nyń shtattan tys agentterine bank qyzmetine qyzyǵýshylyq bildirgen adamnyń jumys ornyna nemese úıine baryp, qashyqtan Turǵyn úı qurylys jınaq banki depozıtin ashýǵa múmkindik beredi. Ol úshin keńesshige ınternetke qosylǵan planshet jetkilikti. Osy jyldan bastap bank keńesshileri qashyqtan salymdardy biriktirý, shotty basqa adamnyń aty­na aýdarý, sondaı-aq nesıe alý úshin klıentten ótinish qabyldaý sııaqty qyzmetterdi de atqara alatyn bolatyn. 

Sonymen qatar bankte tólem qabyldaýdyń balama jol­darynyń tolyqqandy júıesi jolǵa qoıylǵan. Osynyń arqa­syn­da klıentter basqa bankter­diń ınternet-bankıngi, elektrondy tólem júıeleri, Qazposhta, uıaly baılanys operatorlary sııaqty ózderine yńǵaıly ádis­ter­men depozıt tolyqtyryp, zaem aqysyn óteı alady. Barlyǵy 20-dan astam balama tólem joly bar. Bank olardyń bárin tıimdi qoldanýda. Mysal retinde kelesi statıstıkany qarastyrýǵa bolady: 2016 jyly 621 myń onlaın-tólem júrgizilgen, al 2017 jyldyń qorytyndysy boıynsha atalǵan kórsetkish 1 248 288-ge jetti. Iаǵnı bank klıentteri júrgizetin tólemderdiń shamamen 35%-y osy balama tólem ádisteri arqyly aýdarylady. 

QTQJB jeke ınternet-ban­­kıngin de damytý ústinde. Qazir bul servısti 300 myńdaı adam paıdalanady, olardyń bir bóligi – memlekettik tur­ǵyn úı baǵ­darlamalaryna qaty­­satyn salym­shylar. Shot tolyq­tyrýdan bólek ınternet-bankıng klıent­ke onlaın-rejimde salym men syıaqy kólemin, baǵalaý kór­set­kishin baqylap otyrýǵa, bank bólim­shelerine barý úshin kezekke jazylýǵa, pýlǵa qatysý úshin ótinish berýge múmkindik týǵyzady. 

Osy jyly Turǵyn úı qury­lys jınaq banki beınebankıng atty biregeı servısti damytýdy jalǵastyrady. Klıentter bul qyzmettiń kómegimen beınebaılanys arqyly bank menedjerine habarlasyp, qashyqtan keńes ala alady.

Qazirgi ýaqytta beı­ne­bankıng Almaty jáne Oral qalalaryndaǵy bólim­she­ler­de testileýden ótýde. Alda­ǵy ýaqytta bank eki tıptegi beıne­ban­kıngti qoldanys­qa engizýdi josparlap otyr. Olardyń bir túri bank bólimshelerinde, al ekinshisi saıtta ornalastyrylady. Beınebankıng arqyly bolashaqta depozıt jáne nesıe boıynsha keńes; jańa keli­simshart ashý; shot boıynsha kóshirme alý; postdepozıttik ope­rasııalar; anyqtama resimdeý qyzmetterin alýǵa bolady. 

2018 jyly QTQJB «Sıfr­ly Qazaqstan» baǵdarlamasy­na belsendi túrde qatysady. Bank aq­parattyq júıelerin attes­­ta­sııa­lap, barlyq mem­leket­tik máli­metter bazalaryna qosy­lýdy jos­parlap otyr. Osy­nyń arqa­synda klıentterden su­ra­latyn qujat­tar men anyqtamalar sany azaıady, qyz­met kórsetý, onyń ishinde zaem berý boıynsha sheshim qabyl­daý ýaqyty qysqarady. 

Lázzat IBRAGIMOVA,
«Qazaqstannyń turǵyn úı qurylys jınaq banki» AQ basqarma tóraıymy

ALMATY