Ataqty mehanızator, Sosıalıstik Eńbek Eri Kámshat Dónenbaevany máńgi este qaldyrý úshin ol eńbek etken Meńdiǵara aýdanyndaǵy Borovskoı kásiptik-tehnıkalyq kolledjine onyń esimi beriletin boldy. Bul týraly oblystyq máslıhattyń kezekten tys sessııasynda aıtyldy. Atqarýshy bılik pen oblystyq máslıhattyń usynysyn depýtattar bir aýyzdan maquldady. Endi ol Úkimet qaraýyna jiberiletin bolady.
Oblys ákimi Arhımed Muhambetov oblys ortalyǵyndaǵy jańadan soǵylyp jatqan Iýbıleınyı shaǵyn aýdanynda Kámshat apa atyndaǵy gúlzar ashylatynyn, onda bolashaqta Eńbek Erine eskertkish qoıylatynynan da habardar etti. Ol 2018 jyldyń aıaǵyna deıin daıyn bolady.
Názıra Járimbet,
«Egemen Qazaqstan»
Qostanaı
