«Osydan on jyl buryn ótken halyq sanaǵy boıynsha poselkede 25 myń adam turady. Oǵan irgeles Zarechnyıda 10 myń turǵyn bar, Mıchýrınde qonys tebetin shaǵyn aýdandarda salynatyn úılerde 5000 páter bolady, ıaǵnı onda turatyn turǵyndar sany da 20 myń bolyp qalady. Sondyqtan aýdan ortalyǵyn qanattas serik qala jasaýǵa tolyq negiz bar. Infraqurylym daıyn, Úlken kópir jóndeldi, Koreı kópiriniń jobalyq-smetalyq qujaty jasalyp jatyr. Ol daıyn bolǵanda joldar da keńeıe túsedi» dedi Arhımed Begejanuly.
Oblys ákiminiń aıtýynsha, árıne qala jasaý ońaı emes, kóptegen jumystardy atqarýǵa týra keledi. Joldardy jasaý, kommýnaldyq jelilerdi keńeıtý, qýatyn arttyrý sekildi alda qolǵa alatyn jumystar qarasy da barshylyq.
Názıra Járimbet,
«Egemen Qazaqstan»
Qostanaı
