Lıvııa birneshe jyldan beri Ońtústik Eýropaǵa teńiz arqyly jetýge tyrysatyn mıgranttar úshin mańyzdy tranzıttik marshrýt bolyp tabylady.
Biraq ótken jyly Italııaǵa keletin mıgranttar men bosqyndar ólimin toqtatý úshin qutqarýshylar men kúzet qyzmetin qoldaný máselesi Eýropalyq Odaqta kóp pikirtalas týdyrǵan bolatyn. Olardyń aıtýynsha, Pákistandyqtar árqashan Italııaǵa jetý úshin kóp qaýipterge jolyǵady.
Halyqaralyq Mıgrasııa Uıymynyń habarlaýynsha, byltyr pákistandyqtar Eýropaǵa keletin mıgranttar arasynda 13-shi orynda tursa, bıyl olardyń olardyń sany kúrt artyp, 3-shi orynǵa jetken.
Jalpy aıtqanda, mıgrasııa uıymy bıyl Eýropaǵa 6 624 mıgranttyń teńiz arqyly kelgenin habarlady. Al byltyr osy ýaqyt aralyǵyndaǵy kórsetkish 5 983 boldy. Sonymen qatar, osy ýaqytqa deıin 246 mıgrant ólgen nemese joǵalǵan adamdar qatarynda.
Kemedegi lıvııalyqtar
Sonymen qatar, BBC-diń Soltústik Afrıkadaǵy tilshisi Rana Djavad sol keme apatynda bolǵan adamdar arasynda lıvııalyqtardyń bolǵanyn habarlady.
Zıvara qalasynyń qaýipsizdik basqarmasyny Feısbýk paraqshasynda lıvııalyq áıeldiń sýǵa batyp ketkeni jáne tiri qalǵan úsh adamnyń ekeýi lıvııalyq ekenin jazdy. Negizinen lıvııalyqtar Eýropaǵa jetý úshin kemeni az qoldanýǵa tyrysady.
Eýroodaqtyń Fronteks shekaralyq agenttiginiń habarlaýynsha, mıgranttar arasyndaǵy bolǵan qaıǵyly jaǵdaı beısenbi kúni júzege asyrylǵan Themis operasııasynyń nátıjesinde belgili boldy.
