Anyqtama bólimi bul bógelisterdi ushaqtardyń kesh kelýimen túsindirdi, al reısterdi toqtatý týraly sheshimdi áýe tasymaldaýshylar qabyldaǵan.
Sondaı-aq, Jezqazǵanǵa, Qostanaıǵa, Almatyǵa, Londonǵa, Shymkentke, Frankfýrtke ushýy tıis 8 reıs bógelip jatyr jáne Petropavl men Almatyǵa ushatyn bes reıs toqtatyldy.
Sonymen birge, Almaty áýejaıy 4 aqpan, saǵat 12-de aınalanyń kórinbeýinen birqatar reısterdiń keshigip jatqanyn habarlady.
"Qazirgi aýa raıynda áýe joly 600-1000 metr, tiginen 40 metr ǵana kórinedi. Áýejaı jabylǵan joq jáne Halyqaralyq azamattyq avıasııa uıymynyń III sanaty boıynsha jumys istep tur. Ushyp kelý jáne ketý reısteriniń keshigýine áýe kemeleri ekıpajynda sáıkes ruqsatnamalardyń bolmaýy sebep bolyp otyr. Ushý nemese qoný týraly sheshimdi áýe kemesiniń komandıri aýa raıy men ruqsatnamaǵa sáıkes qabyldaıdy", - dep túsindirdi baspasóz qyzmeti.
