Ońtústik Koreıanyń birigý isteri jónindegi mınıstrligi Kım En Nam Ońtústikke 22 adamnan turatyn delegasııany juma kúni bastap barady dep habarlady. Sonymen birge Olımpıadanyń ashylý saltanatynda KHDR men Ońtústik Koreıa sportshylary «Birtutas Koreıa» týynyń astynda óner kórsetedi. Soltústik Koreıanyń qysqy olımpıada oıyndaryna qatysýy Phenıannyń dıplomatııalyq manevri retinde qarastyrylyp otyr.
Eki Koreıa memleketiniń áıelder arasyndaǵy shaıbaly hokkeı komandasy jeksenbide óziniń alǵashqy matchyn ótkizdi, biraq Shvesııaǵa qarsy oıynda 1-3 esebimen jeńilis tapty. Alaıda olar bul oıynda jeńilis tapqanymen, oıyndy ári qaraı jalǵastyrýǵa múmkindigi bar. Bul jeksenbilik oıyn Olımpıada aldyndaǵy tájirıbelik oıyn boldy.
Kım En Nam Soltústik Koreıanyń Parlament basshysy jáne tórt jyl ishinde Ońtústik Koreıaǵa baratyn joǵary deńgeıdegi resmı ókili bolyp bekitildi.
Ońtústik Koreıanyń Blue House rezıdensııasynyń resmı ókili BBC-ge bergen suhbatynda Soltústik Koreıanyń bul Olımpıadaǵa qatysýy olardyń eki el arasyndaǵy qarym-qatynastardy jaqsartýǵa daıyn ekendigin kórsetti dep sanaıdy.
Ońtústik Koreıanyń birigý isteri jónindegi mınıstrliginiń habarlaýynsha, Kım En Nam bastaǵan delegasııa elge 9 aqpanda úsh kúndik saparmen keledi. Alaıda onyń Ońtústik Koreıanyń taýly-shyǵysyndaǵy Phenchang qalasyndaǵy oıynnyń ashylý saltanatyna qatysatyny týraly aqparat taratqan joq.
Qysqy olımpıada 9 aqpanda bastalyp, 25 aqpan kúni aıaqtalady.
KHDR basshysy Kım Chen Yn jańajyldyq quttyqtaýynan keıin Phenchangtaǵy qysqy Oıyndarǵa Soltústik Koreıa sportshylaryn jiberý jaǵyn qarastyryp jatqanyn aıtty. Al Ońtústik Koreıa prezıdenti Mýn Chje In bul isti jyly qabyldap, máseleni talqylaý úshin kelissóz ótkizýdi usyndy. Kelissóz 9 qańtar kúni sátti aıaqtaldy. Soltústik Koreıa oıynshylary qysqy olımpıada kezinde hokkeı jáne muz ústinde mánerlep syrǵanaýdan jarysqa túsedi.
Sońǵy ýaqytta Soltústik Koreıanyń ıadrolyq jáne zymyran baǵdarlamasyna baılanysty eki el qarym-qatynasy qatty shıelenisip ketken bolatyn. Degenmen,bul eki el arasyndaǵy arazdastyqty joıý úshin jasalǵan alǵashqy qadamdardyń biri ekeni anyq.
Osy aptanyń basynda Soltústik Koreıa qysqy Olımpıada oıyndary bastalǵanǵa deıin ıaǵnı 8 aqpanda Ońtústik Koreıamen birigip, keń aýqymdy áskerı parad ótkizýdi josparlaǵan. Keıbir aqparattarǵa qaraǵanda, Soltústik Koreıa eshkimniń olardyń bul mádenı sharany ótkizýine bóget bola almaıtynyn habarlaǵan.
Sonymen qatar, Seýl men Vashıngton Soltústik Koreıanyń ashýyn týdyratyn jyl saıyn ótkiziletin iri birlesken áskerı jattyǵýlardy keshirek ótkizýge kelisken, alaıda bul jattyǵý Paraolımpıada oıyndarynyń sońynda ótkiziledi.
