Bul týraly búgin О́ńirlik kommýnıkasııalar ortalyǵynda ótken baspasóz máslıhatynda Almaty oblystyq Kásipkerler palatasynyń dırektory Narıman Ábilshaıyqov málimdedi.
- Shaǵymdardyń 80 paıyzy oń nátıjemen sheshildi. Mysaly «Saryózek munaı ónimderi» kompanııasynyń qujattarynda oryn alǵan kezdeısoq qate jazý úshin 5 mln teńgeniń aıyppuly salyna jazdady. Bizdiń qoldaýymyzdan keıin shekteý týraly qaýly alynyp tastaldy. Ákimshilik kedergilerdi azaıtý maqsatynda biz qoǵamdyq monıtorıng pen kásipkerlerdiń ótinishterine taldaý júrgizemiz.О́tken jyly qyryqqa jýyq ákimshilik kedergi anyqtalyp, onyń on úshi joıyldy. Damý ınstıtýttarynyń, qarjylaı qoldaý quraldarynyń jumys jasap jatqanyna qaramastan, keıbir organdar osy sektordaǵy birqatar problemalardyń sebepkeri bolyp otyr. Másele adam faktoryna ǵana emes, sonymen qatar zańdaǵy kedergilerge de tirelip tur,- deıdi Narıman Ábilshaıyqov.
Sondaı-aq, oblystyq kásipker palatasynyń uıytqy bolýymen «Bıznestiń jol kartasy-2020» memlekettik baǵdarlamasynyń bızneske servıstik qoldaý men aqparattyq qamtamasyz etý baǵyty boıynsha birqatar jumys istelgeni aıtyldy. О́tken merzimde kásipkerlikke qoldaý kórsetý ortalyqtarynda 6 437 kásipkerge 8086 servıstik qyzmet kórsetilip, 17 884 bıznes ókiline 22 838 ret aqparattyq keńes berilgen. Jalpy quny 5 mlrd teńgeden asatyn 432 bıznes-jospar ázirlenip, onyń ishinde 68 joba top jaryp, 217,1 mln teńgege qarjylandyrylǵan.
Qalmahanbet MUQAMETQALI,
«Egemen Qazaqstan».
Almaty oblysy.
