Halyq aldyndaǵy esepti kezdesýinde, aýdan ákimi Nurbol Turashbekov 62 eldi mekenniń 59-y, ıaǵnı 107 myńnan astam halyq taza aýyz sýmen qamtylǵanyn málim etti. Al qalǵan úsh eldi mekenge aýyz sý tasymaldanyp jetkiziledi. Sebebi, bul aýyldar shalǵaıda ornalasyp, halyq az shoǵyrlanǵandyqtan ekonomıkalyq jaǵynan tıimsiz bolyp tabylǵan. Sondaı-aq, aýdan ákimi jalpy óńirlik ónim ótken jyldyń qorytyndysymen 68,8 mlrd. teńgeni quraǵanyn atap ótti.
- Aýdan kólemindegi ónerkásip kásiporyndary 22,7 mlrd. teńgeniń ónimi óndirilse, osy sala boıynsha barlyq damý ındıkatorlary oryndaldy. Shaǵyn jáne orta bızneste 17 myń 200 adam jumys atqarýda, al olarda aýdan halqynyń 15 paıyzy eńbek etedi. Búginde aýdan boıynsha belsendi kásipkerlik sýbektilerdiń sany 6310 birlikke jetip, 7,3 paıyzǵa ósken. Bularmen óndirilgen ónim kólemi 34,2 mlrd. teńgeni qurasa, olarmen tólengen salyq tólemderi 272,6 mln. teńgeni qurap, 2,7 paıyzǵa ósken, - dedi N.Turashbekov.
Shaǵyn jáne orta kásipkerlik qarqyn alǵan taýly aımaqtyń baý sharýashylyǵyn damytýǵa múmkindigi mol. Esepti kezdesýge jınalǵan jurtshylyq aýdan ákiminiń atqarǵan jumysyna oń baǵasyn berdi.
Ǵalymjan ELShIBAI,
«Egemen Qazaqstan»
