Telearna 100 asa translıasııa jasaıdy, efırlik ýaqyttyń jalpy kólemi 208 saǵat, onyń 136 saǵaty tikeleı efırde kórsetiledi. Olımpıadanyń ashylý jáne jabylý saltanattary 9 aqpan kúni 17.00-de jáne 25 aqpan kúni 17.00-de tikeleı efırde kórsetiledi.
Phıonchhan qalasyna arnaıy jiberilgen tilshiler qosyny mánerlep syrǵanaý, frıstaıl, shańǵymen syrǵanaý, hokkeı, konkı sporty, bıatlon, shańǵy sporty, kerlıng, tuǵyrdan sekirý, eki satyly shańǵy saıysy, skeleton, snoýbord, bobsleı syndy jarys túrlerinen habar taratyp, qyzyqty (eksklıýzıvti) materıaldar ázirleıdi.
Túsirilim toby tájirbıeli jýrnalıster men operatorlardan jınalǵan, olardyń arasynda burynnan beri Olımpıada oıyndarynan habar taratyp júrgen tilshi Amangeldi Seıthan men teleoperator Ersin Muhambetalın, Sochı qalasyndaǵy Olımpıadada qyzmet atqarǵan Qanat Bazylhanov, sondaı-aq birinshi ret Olımpıada oıyndarynan habar taratatyn jas tilshi Sábı Baıbosynov bar.
«Habar» Agenttiginiń Ońtústik Koreıadaǵy arnaıy tilshisi Vladıslav Soıǵa Phıonchhandaǵy jaǵdaı, Olımpıada oıyndary tóńireginde habardar etip otyrý mindeti júktelgen.
Dúbirli dodanyń kommentatorlary: Jandos Aıtbaı, Erjan Jırenbaev, Aıbek Qabylshaev, Sergeı Raılıan, Andreı Nehlıýdov, Askat Jakaev.
Sondaı-aq Olımpıada úshin arnaıy olympics.khabar.kz ınternet resýrsy ashyldy, onda ózekti jańalyqtar, jarys kestesi, sport salasyndaǵy sarapshylardyń pikirleri, suhbattar men fotolar, eksklıýzıvti materıaldar salynady. Atalmysh qosymshadaǵy aqparat únemi jańartylady.
