Bas basylymdardyń basty baǵyttary

«Egemen Qazaqstan» RG» AQ Basqarma tóraǵasy Darhan Qy­dyráli Aqparat jáne kom­mý­nı­kasııalar mınıstrligi bekit­­­­ken «Strategııalyq damý tu­jyrymdamasyna» sáıkes, gazet ujymy 2017 jyly alǵa qoıǵan maqsat-mindetter tolyǵymen iske asyrylǵanyn jetkizdi. «So­nyń nátıjesinde bas basylym­da formattyq, dızaındyq já­ne mazmundyq ózgerister or­nyq­ty», dedi basylym basshysy. «Egemenniń» tájirıbesi men jetistikteri qoǵamdaǵy «gazet oqylmaıdy» degen pikirlerdiń teriske shyqqanyn kórsetkenin jetkizdi. Máselen gazet taralymy bıyl 206 myńnan asyp jy­ǵylsa, jańa better men aıdarlar ashý basylymnyń buqaralyq s­ı­paty men mazmunynyń ulǵaıý­y­na múmkindik berdi. 2017 jyl­ǵy qarashadan bastap gazet dúń­gir­shekter jelisinde satyla bas­tady. Bıyl gazet satylatyn oryn­dar sanyn júzge jetkizý jos­parlanyp otyr. Gazet portaly da sapalyq jáne sandyq ózgeristerge ushyrady. Derbes redaksııa retinde tirkelgen egemen.kz saıty latyn jáne tóte jazý nusqasymen birge, orys jáne aǵylshyn tilderinde aq­parat taratýdy qolǵa aldy. Qazir saıt qazaqtildi portal­dar­dyń úzdik úshtigine ense, basylymdar arasynda kósh bas­tap tur. Aǵylshyn tilindegi nusqa iske qosylǵaly saıttyń Fransııa, AQSh, Ger­ma­nııa, Qytaı jáne Túrkııa syndy elderdegi oqylymy kúrt ulǵaı­dy. Júzden astam adam eńbek ete­­tin gazet ujymy jyldan jy­l­­­ǵa jasaryp keledi. Jas býynnyń ishinde «Bolashaq» baǵ­darlamasynyń túlekteri bar.

100 jyldyq mereıtoı qarsa­ńyn­daǵy gazettiń taǵy bir belesi retinde aldaǵy naýryz aıynan bastap gazet ataýy latyn qarpimen jańa dızaında shyǵa bastaıtynyn aıtýǵa bolady. Bul rette basylymdy kúndelikti 16 betten shyǵarý josparlanyp otyr. Sondaı-aq álemdik iri aqparat quraldarymen árip­­testik baılanys ornatý maq­satynda kelissózder júrgi­zi­lip jatyr.

Jáne jaqynda «Egemen Qazaqstan» akademııasy» atty aýqymdy joba tusaýyn kesedi. Joba aıasynda sheteldegi qazaq jýrnalısterine semınar, jer­gilikti jýrnalısterge túrli ta­ǵy­­­­­lym­dama uıymdastyrylyp, jýr­­nalıstıka fakýltetteri stý­­dentteriniń kásibı shyń­da­lýyna, óńirlik jáne sala­lyq baspasóz quraldaryna konsýl­ta­tıvtik-trenıngtik qoldaý kór­setilmek.

Sonymen birge eldegi áleý­mettik-ekonomıkalyq, qo­ǵam­dyq-saıası máseleler boıyn­sha qoǵamnyń pikirin bilý ári oqyr­mandarmen tıimdi keri baı­lanys ornatý maqsatynda res­pýblıkalyq masshtabta kásibı áleýmettanýshylardy tarta otyryp, keshendi áleýmet­tik zertteý júrgizý syndy jumystar jos­parlanyp otyr.

Al «Kazahstanskaıa pravda» RG» AQ Basqarma tóraǵasy Vıacheslav Pashenko byltyr ba­sy­lym­nyń negizgi ustanym­­­da­­ry men qalyptasqan dás­túr­lerin saqtaı otyryp, dızaın formatynyń túbegeıli ózge­r­-g­e­nin, shyǵý kestesi de dúısenbi men juma kúnderine bekitilgenin jet­kizdi. «Árıne, bul ózgerister gazettiń mazmunyna da qatysty. Oqyr­mandar qyzyǵýshylyǵyn oıatatyn aıdarlar engizildi. Taqy­ryptyq better paıda boldy. Konstrýktıvti syn­ǵa, jýr­na­lıstik zertteýge, sarap­ta­ma­ǵa kóp kóńil bólin­di», dedi V.Pashenko. Onyń aıtýynsha, al­dyńǵy kezekte aqparattyq emes, saraptaý turǵysyndaǵy je­deldikke basymdyq berildi. Ga­zettiń kazpravda.kz saıtyna da redızaın júrgizilip, ınternet-portal jańa mýltımedıalyq jo­ba­lardy iske qosty. Osy ar­qy­ly juma saıyn balalar óziniń ar­manyndaǵy mamandyqtarmen qalaı tanysatyny týraly beı­ne­tarıh jaryqqa shyǵady. Bul jobaǵa astanalyq balalar ú­ı­le­riniń tárbıelenýshileri qatysýda. Sonymen birge ále­ý­mettik jelilerdegi jazylýshylar qatary da ulǵaıyp keledi.

Brıfıng barysynda qos ba­sylymnyń basshylary aq­parattyq ónim sapasyn jetil­di­rý baǵytyndaǵy basqa da jobalardy tanystyryp, birqatar saýaldarǵa jaýap berdi.

Dýman ANASh,

«Egemen Qazaqstan»

Sýretti túsirgen

Orynbaı BALMURAT,

«Egemen Qazaqstan»