Otyrys barysynda elimizdiń 2017 jylǵy áleýmettik-ekonomıkalyq damý qorytyndylary shyǵarylyp, aldaǵy ýaqytta ekonomıkalyq ósimdi qamtamasyz etý jónindegi sharalar aıqyndalady dep kútilýde.
«Jyldyń basynda aldymyzda turǵan maqsattardy anyqtap, tıisti suraqtardy bir-birimizge qoıyp, jumys isteýdi bastaý úshin búgingi Úkimettiń keńeıtilgen májilisin ótkizgeli otyrmyz. Oblystardyń ákimderi qatysýda. О́zderińiz bilesizder, qańtarda ótkizgen Úkimettiń jınalysynda byltyrǵy jyldyń qorytyndysy jarııalandy, aıtyldy. Shynyn aıtý kerek, ótken jyl ońaı bolǵan joq. Dúnıejúziniń ekonomıkasy da aýmaly-tókpeli boldy. Bizdiń de jaǵdaı ártúrli boldy. Degenmen, Úkimet pen ákimshilikterdiń birlesip istegen jumystarynyń arqasynda meniń baǵalaýym boıynsha durys nátıjege jettik», - dedi Nursultan Nazarbaev.
Osy rette Memleket basshysy Qazaqstannyń ekonomıkalyq ósimi ótken jyldyń qorytyndysynda 4 prosentti qurap, ınflıasııa 7 prosent tóńireginde bolǵanyn eske saldy.
«Bul biz úshin alynǵan jańa beles bolyp sanalady. Sondyqtan bul jaǵynan men Úkimettiń jalpy jumysyna, árbir Úkimet múshelerine oń baǵamdy bergenim durys dep sanaımyn. Halyq ta solaı dep oılaıtyn shyǵar. Degenmen, ár ýaqytta jetistikterimizge toqmeıilsip otyra bermeımiz. Aldymyzda maqsattar kóp, baǵdarlamalardyń oryndalýynyń ishinde kemshilikter bar. Ony árıne aıtatyn bolamyz», - dedi Qazaqstan Prezıdenti. Sondyqtan Elbasy búgingi májiliste ótken jyldyń qorytyndysy halyqqa taǵy bir ret jarııa etilip, Úkimet aldynda turǵan mindetter aıqyndalatyndyǵyn basa aıtty. «Bıyl Úkimettiń aldyna qoıyp otyrǵan 4 paıyz az bolady. Odan tómen túsip ketýimiz de múmkin. Sondyqtan ózimiz aldymyzǵa odan joǵary mindetter qoıýymyz kerek. Onyń ishinde baǵdarlamalardyń oryndalý máseleleri bar, olardyń arasynda kemshilikter de joq emes. Sondyqtan osy máseleler tóńireginde jumys isteıtin bolamyz», - dedi Nursultan Nazarbaev.
Aıta keterligi, eldiń jalpy ekonomıkalyq kórsetkishteri jóninde Úkimet basshysy Baqytjan Saǵyntaev baıandama jasaýda. Odan keıin Qarjy mınıstri, Ulttyq bank basshysy sóz sóıleıdi.
Estreińizge sala ketsek, 2017 jyly ishki jalpy ónim ósimi 4 paıyzdy qurady. Negizgi kapıtalǵa salynǵan ınvestısııa kólemi 5,5 paıyzǵa artyp, ónerkásip óndirisiniń kólemi 7,1 paıyzǵa ulǵaıdy. 2017 jyldyń 9 aıynda shetel ınvestısııasynyń taza túsimi 3 034,8 mln dollardy qurady. О́tken jyldyń qańtar-qarasha aılarynyń aralyǵynda Qazaqstannyń syrtqy saýda aınalymy 69,5 mlrd dollarǵa jetip, 2016 jyldyń sáıkes kezeńimen salystyrǵanda 25,1 paıyzǵa artty. Onyń ishinde eksport kólemi 43,1 mlrd dollarǵa jetip otyr. Ulttyq banktiń altyn-valıýta aktıvi 31,1 mlrd dollar boldy.
