Úkimettiń keńeıtilgen otyrysy barysynda "Atameken" Ulttyq kásipkerler palatasy basqarmasynyń tóraǵasy Abylaı Myrzahmetov eldegi bıznesti damytý boıynsha júrgizilip jatqan sharalar jaıly baıandady. Sondaı-aq, ol bıznesti tekserýdegi sıfrlandyrý máselesine toqtaldy.
"Biz jappaı júrgiziletin tekseristerdiń kólemin qysqarttyq. Qazir basqasha tekseristerdi júrgizip jatyrmyz, sıfrlandyrýǵa qatysty", - dedi Abylaı Myrzahmetov. "Ár otyrys saıyn biraz sóz aıtý kerek. Baryp tekserip kelý mindetti. Mysaly, órt sóndirýshi baryp, oqıǵa ornyn qarap shyǵyp, eshteńe tappaıdy. Biraq ol meıramhanada tegin tamaqtanyp qaıta alady", - dedi Nursultan Nazarbaev.
Abylaı Myrzahmetov tekserister kezinde júrgizilgen zańbuzýshylyqtar aıtarlyqtaı emes ekenin aıtady. "Bıyldan bastap jáne byltyrdan beri ózdiginen retteý júıesi engizile bastady. Iаǵnı, sizdiń tapsyrmańyzbek tekseristerdi belgili bir assosıasııalar júrgizedi - kásiporyndar jekemenshik uıymdarǵa aınalyp, memlekettiń ornyna baqylaý júrgize alady. Mundaı tájirıbe bar", - dedi Myrzahmetov.
Osyǵan deıin Nazarbaev keńeıtilgen otyrys barysynda premer-mınıstr Baqytjan Saǵyntaevtyń baıandamasyn tyńdap, ózindik synnyń joqtyǵy jaıly aıtqan edi. "Jaqsy baıandadyń, biraq syn kózben qaraý kerek", - degen edi Prezıdent Saǵyntaevqa. Aıta keteıik, keńeıtilgen otyrys úkimet ǵımaratynda ótip jatyr. Nazarbaev otyrystyń jospary men baıandamalardyń kezegi jaıly aıtyp, premer-mınıstr Baqytjan Saǵyntaevqa sóz berdi.
