"Biz qoljetimdi baspana jaıly aıtyp otyrmyz, ony adamdarǵa paıdalanýǵa berý úshin salyp jatyrmyz. Biraq adamdar áli kúnge deıin eski úılerde turyp jatyr, al jańa úılerdi jalǵa beredi - aqsha tabý úshin. Bul durys ta shyǵar... Biraq bizge eski úılerdi buzý kerek", - dedi Prezıdent. Onyń aıtýynsha, bul máselege memlekettik-jeke seriktestikti aralastyrý kerek.
"Mysaly, tórt qabatty eski úıler tur, olardyń salynǵanyna 60-70 jyl boldy. Eski úılerdi buzyp, jerdi bızneske berý kerek. Bul tıimdi ǵoı. Bızneske utymdy bolady. (...) Munymen qosa, bul jaqsy turǵyn úılerge kóshýge múmkindik beredi", - dedi Memleket basshysy.
Osyǵan deıin Nazarbaev keńeıtilgen otyrys barysynda premer-mınıstr Baqytjan Saǵyntaevtyń baıandamasyn tyńdap, ózindik synnyń joqtyǵy jaıly aıtqan edi. "Jaqsy baıandadyń, biraq syn kózben qaraý kerek", - degen edi Prezıdent Saǵyntaevqa. Aıta keteıik, keńeıtilgen otyrys úkimet ǵımaratynda ótip jatyr. Nazarbaev otyrystyń jospary men baıandamalardyń kezegi jaıly aıtyp, premer-mınıstr Baqytjan Saǵyntaevqa sóz berdi.
