Úkimettiń keńeıtilgen májilisinde Memleket basshysy Nursultan Nazarbaev medısınalyq saqtandyrý máselesin taǵy bir márte pysyqtap, daıyndyq sharalary týraly surady. Premer-Mınıstrdiń orynbasary Erbolat Dosaevtyń aıtýynsha, mindetti áleýmettik medısınalyq saqtandyrý júıesi kelesi jyldan bastap iske qosylady.
«Nursultan Ábishuly, ózin-ózi jumyspen qamtyp júrgen azamattar boıynsha barlyq jumystardy osy jyldyń ishinde bitiremiz. Aqparattyq júıeler, tirkeý sııaqty zańnamalarǵa kóktemde ózgerister engiziledi. Nátıjeli jumyspen qamtý jáne jappaı kásipkerlik baǵdarlamasyn negizge ala otyryp, biz mindetti áleýmettik medısınalyq saqtandyrýdy bir jyl buryn bastaýǵa bel býyp otyrmyz. Sizdiń aldyńyzda osyndaı mindetti alýǵa daıynbyz. 2020 jyldyń ornyna 2019 jylda bastaıtyn bolamyz. Zań boıynsha ony 2020 jylǵa deıin qaldyrǵan edik. Endi, bıyl bárin bitirip, kelesi jyldan bastaıyn de otyrmyz», - dedi E.Dosaev.
