«Taǵy bir másele - aýyl sharýashylyǵyndaǵy agrarlyq ǵylymy. Bul da bizde esh damymaı otyr. Bizde úsh ýnıversıtet bar - Almaty men Astanada jáne Batys Qazaqstanda. Olar óz betterimen jumys isteýde. Men muny aıttym júrmin. Sonymen birge bul ýnıversıtetterge tek qyzdardy alady. Qyzdarǵa meniń qarsylyǵym joq, bolǵan da emes. Degenmen, ol qyzdar aýylǵa bara ma?» dep surady Elbasy Premer-Mınıstr orynbasary - Aýyl sharýashylyǵy mınıstri О́mirzaq Shókeevten.
«Iá, soǵan kvota engizeıik dep otyrmyz, aýyldyq jerden keletin stýdentter sany 70 prosent bolýy kerek», - dedi óz kezeginde ol. Osy rette, О́.Shókeev Memleket basshysyna fermerler, aýyl sharýashylyǵy basshylary jastarǵa shákiraqylaryn, granttaryn tólep beretindigin aıtty.
«Sodan keıin aýylyna qaıtyp kelýine jaǵdaı jasaý qajet. Qalǵanynyń barlyǵy tamyr-tanystyq nemese UBT-da reıtıngin tómendetedi de ótpeı qalǵandaryn jınap alady. О́ıtkeni rektor jumys isteýi kerek qoı. Stýdent bolmasa ne isteıdi? Muǵalimder ne isteıdi stýdentsiz? Áıteýir stýdent bolýy kerek, memleket aqshasyn tólep jatyr», - degen Memleket basshysyna О́mirzaq Shókeev máseleni retke keltiretindigine sendirdi. Sonymen qatar Qazaqstan Prezıdenti mal sharýashylyǵynda, mal ónimderin óńdeýde, aýyl sharýashylyǵy ǵylymynda túbegeıli ózgerister qajet ekendigin eskertti.
