Oblystyq bilim basqarmasynyń málimetinshe, baıqaýǵa Qyzylorda oblysynan 13 mektepten (7 qazaq tilinde oqytatyn jáne 6 aralas) 857 oqýshy qatysty.
Reıtıngi boıynsha orys tilinde oqıtyn Qyzylorda, Jambyl, Aqtóbe oblystarynyń 4-synyp oqýshylary jalpy reıtıngte úzdik 5 memlekettiń kórsetkishterimen salystyrmaly jáne odan da joǵary nátıjelerdi kórsetti.
Esterińizge sala keteıik, halyqaralyq matematıka jáne jaratylystaný pánder boıynsha bilim berý sapasyna halyqaralyq monıtorıng júrgizetin TIMSS (aǵylsh. TIMSS — Trends in Mathematics and Science Study) zertteýi Halyqaralyq IEA bilim berý jetistikterin baǵalaý qaýymdastyǵynyń uıymdastyrǵan baǵdarlamasy bolyp tabylady. Bul zertteý 4-shi synyp oqýshylary men 8-synyp oqýshylarynyń matematıka jáne jaratylystaný tárbıesiniń deńgeıin, sapasyn álemniń ártúrli elderinde salystyrýǵa, sondaı-aq ulttyq bilim berý júıesindegi aıyrmashylyqtardy anyqtaýǵa múmkindik beredi.
Tórt jylda bir júrgiziletin zertteý sıkly osy kúnge deıin 6 ret 1995, 1999, 2003, 2007, 2011 jáne 2015 jyldary uıymdastyrylǵan.
2007 jyldan bastap qazaqstandyq oqýshylar reıtıngke qatysady. TIMSS-2015 jyly Qazaqstan 179 mektepten (4710 tórtinshi synyp oqýshylary jáne 4869 segizinshi synyp oqýshylaryn) jalpy sany 9 579 oqýshyny tanystyrdy. Matematıka boıynsha tórtinshi synyp oqýshylarynyń ortasha baly 544 upaı, jaratylystanýdan 550 ball jınasa,8 synyp oqýshylary matematıkadan - 528 ball, jaratylystaný ǵylymdarynan – 533 upaımen kózge kóringen.
Kelesi zerteý 2019 jyly júrgiziledi.
