Joba keńsesiniń jetekshisi Jazıra Jylqyshıeva joba sheńberinde memlekettik qyzmetti tıimdi túrde alý úshin medısına mekemelerindegi jaǵdaıdy jaqsartýdy josparlaýda.
«Densaýlyq saqtaý mekemelerine kelýshilerdiń kóp ekenin bilemiz, sol sebepti bizdiń birinshi mindetimiz – medısınalyq qyzmetti alýda qolaıly orta jasaý. Bizdiń jumys toby barlyq emhanalarǵa ınspeksııa júrgizip jatyr, onda elektrondy kezektiń bar-joǵyn tekseremiz, otyratyn oryndyqtar jetkilikti me, kondısıoner, bahılge arnalǵan avtomat, tirkeý jumysy, koll-ortalyq pen basqa da mekemeniń jumystaryna jalpy taldaý júrgizemiz», – dedi Jazıra Jylqyshıeva.
Inspeksııa nátıjesinen keıin jaǵdaıdy jaqsartýǵa usynystar berilip, jóndeý jumystary júrgizilip, emhanalar birkelki dızaınǵa aýystyrylady. Iаǵnı joba jetekshisi J.Jylqyshıeva astanadaǵy densaýlyq saqtaý nysandaryn qaıtadan biryńǵaı stılge aýystyrýdy usynýda.
Onyń aıtýynsha, qanatqaqty jobaǵa eki emhana qatysady. Onda medısınalyq mekemeniń tek dızaıny ǵana emes, jaǵdaıy da yńǵaıly, sapaly ári medısınalyq qyzmet alý da qoljetimdi bola túspek.
«Astana – adaldyq alańy» jobasy aıasynda aýqymdy qoǵamdyq baqylaý engizý josparlandy. Joba keńsesiniń jetekshisi arnaıy toptyń quraldy ázirlep, engizetinin aıta ketti. Osy quraldyń kómegimen azamattar qurylys jáne jóndeý jumystaryna qansha qarjy bólingenin baqylap otyra alady jáne memlekettik baǵdarlamanyń da qalaı júzege asyrylyp jatqanyn baqylaı almaq.
