Florıda shtatyndaǵy «Kennedı» ǵarysh aılaǵynan kókke samǵaǵan zymyran aspanǵa 64 tonna júkti kóterip shyǵa alady. Buryn mundaı aýyr salmaqty júkti ǵaryshqa kóterý múmkin emes-tuǵyn.
Ilon Mask zymyrannyń negizgi bóligine óziniń jeke Tesla Roadster avtokóligin ornatypty. Raketa aspanǵa kóterilgen soń, kólik Marsqa qaraı óz saparyn jalǵastyrmaq. Boljam boıynsha, ol Jerden 400 mıllıon shaqyrym qashyqtyqqa deıin ushýy kerek. Ǵarysh kóliginiń jyldamdyǵy sekýndyna 11 shaqyrymǵa teń.
Falcon Heavy – adamzat tarıhyndaǵy eń qýatty zymyran. Onyń 27 qozǵaltqyshy bar jáne bıiktigi 70 metrge jetedi. Osy synaq barysynda raketanyń eki údemeli blogy «Kennedı» aılaǵyna sátti qondyryldy. Alaıda bir bóligi Atlant muhıtyna qoný barysynda apatqa ushyrap, janyp ketti.
Buǵan alańdap otyrǵan I.Mask joq. О́ıtkeni eki údemeli blokty qondyrýdyń ózi zor abyroı. Buǵan deıin ǵaryshty ıgerýde mundaı tabysqa qol jetkizilmegen bolatyn. Bul, synaq bloktardy sátti qondyrýǵa múmkindik mol ekenin kórsetti.
Sholýdy daıyndaǵan
Abaı ASANKELDIULY,
«Egemen Qazaqstan»
