Qar astynan kúnbaǵys orýda

Mássaǵan!

Batys Qazaqstan oblysynda ósimdik maıyn shyǵaratyn zaýyt jumys jasaıdy. Endeshe, ony qa­jetti shıkizatpen qamtý birinshi kezektegi is bolyp qala bermek. Osy maqsatta bıyl 80 myń gek­­tarǵa jýyq alqapqa kúnbaǵys da­qyly egilgen edi. Alaıda sońǵy má­limetter 5830 gektar alqaptyń daqyly qar astynda qalyp qoıǵa­nyn aıǵaqtaıdy. Onyń deni Zelenov aýdanynyń enshisine tıedi. Búginde osy aýdanǵa qarasty «Jár­dem» sharýa qojalyǵynda qar­ba­­las ju­mys júrip jatyr. Olardyń maqsa­ty qar astynda qalǵan kún­ba­ǵys­ty jı­­nap alý. Biz jaýyn-sha­shyn­da, aýa raıynyń basqa da qolaısyz kezeń­de­rinde egis oryp kórdik. Biraq aq qarda kúnbaǵys orýǵa alǵash ret túsýimiz. «Qalaýyn tapsa, qar janar» degendeı, onyń da oraıyn keltirýge umtylý­da­myz, deıdi qojalyq jetekshisi Serik­qa­lı Ájıev. Sondaı-aq oblystyń soltústik shy­ǵysyndaǵy Shyńǵyrlaý aýdanyn­da da maıly daqyldyń biraz bóligi qar as­tynda qalyp qoıypty. Osyn­daıda nege degen saýal eriksiz tý­yn­daıdy. Bu­­­ǵan Shyńǵyrlaý aýdandyq kásipkerlik, aý­yl sharýashylyǵy veterınarııa bó­li­mi­niń bastyǵy Naý­ryz­baı Mankeev kún­baǵys kúnniń kó­zin súıetin daqyl. Son­dyqtan da kún shýaǵy jetispese pisýi kesheýildeı beredi. Bıyl óńirde osy­n­daı aýa raıy qalyptasty. Onyń ústine kúz aıla­ry­nyń jańbyrly bo­lýy jáne qa­ra­sha aıynyń basynda túsken qar ón­im­di ýaqytynda jınap alýǵa múm­kindik bermedi dep jaýap qaıtardy. Temir QUSAIYN. Batys Qazaqstan oblysy.