Jýyrda S.Jıenbaev atyndaǵy oblystyq jasóspirimder kitaphanasy «Izgi ister» atty aksııaǵa qoldaý kórsetip, saýapty isti qolǵa aldy. Iаǵnı az qamtylǵan, kóp balaly otbasylarǵa jáne muqtaj jandarǵa kómek kórsetý maqsatynda kitaphana dırektory Gúljaınar Kaldına jáne kitaphana qyzmetkerleri Altyngúl Ermekbaeva, Baqtygúl Hamıdýllına, Lázzat Bóltekova, Bıbigúl Shamedenova, Gúldana Nuǵmanova qysqy jyly kıimderdi jınady. Osylaısha balalarǵa arnalǵan aıaq kıim, palto jáne basqa da jyly kıimderdi kitaphana dırektorynyń orynbasary Úrjan Qudasova men kásipodaq tóraıymy Shynar Qoshanova «Shyǵys» saýda úıinde ornalasqan «Igi is» dúkenine tapsyrdy. Muqtaj jandar úshin qat zattardy kitaphana qyzmetkerleri qańtar aıynda «Altaı» saýda úıinde ornalasqan «Igi is» dúkenine de tapsyrǵan bolatyn.
«Qaıyrymdy bolsań ózgege, shapaǵaty tıer ózińe» degendeı, kitaphana ujymy osy ispetti ıgi sharalarǵa jıi atsalysyp turady. «Bir adam jaqqan otqa myń adam jylynady» degendeı, bul da urpaqqa ulaǵatty uly isterde usaq-túıek bolmaıtynyn bildirse kerek.
Gúljan О́TEGENOVA,
S.Jıenbaev atyndaǵy oblystyq jasóspirimder kitaphanasynyń kitaphanashysy
AQTО́BE
