Spıkerler jýrnalısterdi agenttiktiń jáne onyń arnalarynyń bir jyldyq qyzmetteriniń nátıjesimen, sondaı-aq 2018 jylǵa josparlanǵan jańa jobalarymen tanystyrdy.
О́z sózinde Almagúl Ahmetjanova agenttiktiń 5 jyldyq strategııalyq damýyn júzege asyrý jumysy jalǵasyp jatqanyn jetkizdi.
«Atalǵan strategııa aıasynda agenttik telearnalarynyń taralym saıasatyna, sondaı-aq uıymnyń bıznes-prosesine túzetýler júrgizildi. Bul arnalardyń kontentin jaqsartýǵa, agenttik qyzmetin ońtaılandyrý jáne jumys tımdiligin arttyrýǵa múmkindik berdi. Agenttik arnalary 2017 jyly halyqty memlekettik baǵdarlamalar týraly aqparattandyrý úshin naqty jumys jasady. Osy maqsatta jańa telejobalar iske qosyldy, onyń ishinde «Rýhanı jańǵyrý» baǵdarlamasyn aıtýǵa bolady, Agenttiktiń shyǵarmashylyq toby qazirgi tańdaǵy eń mańyzdy máselelerdi derekti fılmderge arqaý etti, sonymen birge telearnalar iri forýmdarǵa aqparattyq qoldaý kórsetip, halyqaralyq jáne jergilikti is-sharalardy taratty», dedi ol.
Sonymen qatar Basqarma tóraıymy mamandar daıyndaý jáne olardyń biliktiligin arttyrý jumysyna da basa nazar aýdarylǵanyn baıandady.
«Osy maqsatta «TRT» teleradıokompanııasy, «Anadolu» aqparat agenttigi jáne «France 24» telekompanııasymen kelisim jasaldy. Qyzmetkerler «Dybystyq ınjenerııa», «Operatorlyq sheberlik», «Jaryq berýshi sheberligi», «Áskerı jýrnalıstıka», «Energetıkalyq jýrnalıstıka» jáne t.b. baǵyttar boıynsha bilim aldy. Jyl qorytyndysy boıynsha «Habar» qyzmetkerleriniń 70 paıyzy bilim alyp, biliktiligin jetildirdi», dedi ol.
Basqarma tóraıymynyń orynbasary Rınat Kertaev ta búgingi tańda jas jýrnalısterdi daıyndaýda arna tarapynan atqarylyp jatqan jumystar aýqymdy ekenin aıtyp ótti.
«Habar» arnasynyń qorytyndysy boıynsha arna dırektory Erlan Igisinov baıandap: «Basty nazardy azamattarymyzdyń túrli máseleler boıynsha habaryn arttyratyn áleýmettik mańyzdy jobalarǵa aýdaramyz. Áleýmettik baǵyttaǵy baǵdarlamalar arasynda – «Davaıte govorıt!», «Bilý mańyzdy», «Bizdiń nazarda», «Ana men bala» jáne t.b. baǵdarlamalar bar. О́tken jyly arnanyń tapsyrysymen 14 telehıkaıa túsirilgen. Olardyń arasynda «Qarııa», «Mezgilsiz mahabbat», «Ana júregi» jáne basqalary bar. Al «О́geı júrek» (2016) telehıkaıasy «ABU Prizes» halyqaralyq baıqaýynda qazylardyń arnaıy syılyǵyna ıe boldy. Arnanyń dıstrıbıýtorlyq qyzmetiniń nátıjesinde Mońǵolııa, Reseı, Qytaı jáne Ońtústik-Shyǵys Azııanyń 9 elinde telehıkaıalar men baǵdarlamalardy translıasııalaý quqyǵyn berý týraly kelisim jasaldy», dedi.
«Habar 24» arnasy men «Kazakh TV» telearnasynyń basshylary da ótken jyly jasalǵan jumystar týraly keńinen aqparat berdi.
Aıta ketetin taǵy bir jaıt, búginnen bastap «Habar» arnasynda Phenchhan qalasyndaǵy Qysqy Olımpııa oıyndary kórsetiledi. Oıyndardan habar taratý úshin Ońtústik Koreıa eline eki shyǵarmashylyq top jiberilgen. Arna efırinen jarystar tikeleı efırde jáne aldyn ala jazylyp beriledi, sondaı-aq kún saıyn arnaıy kúndelikter daıyndalady.
Raýan QAIDAR,
«Egemen Qazaqstan»
