Kórmege bıyl qurylǵanyna 84 jyl bolǵan Qaraǵandynyń qalyptasý kezeńderinen syr shertetin muraǵat qujattary men materıaldar molynan qoıylǵan. Jurt nazaryna usynylǵan jádigerler arasynda shahterlerdiń qural-saımandary, soǵys jyldaryndaǵy jáne keńes zamanyndaǵy túrli turmystyq zattar da kóptep kezdesedi.
Kórme ashylǵan kúni «Daladaǵy qala» atty dóńgelek ústel uıymdastyrylyp, onyń qatysýshylary Qaraǵandy qalasynyń tarıhyna qatysty qundy derekterdi ortaǵa saldy. Mysaly, alǵashqy qoǵamdyq ǵımarattar Qaraǵandynyń «Eski qala» dep atalatyn aýmaǵynda salyna bastapty. Al «Jańa qala» aýmaǵynyń qurylysy 1935-1936 jyldary qolǵa alynǵan. Aldymen taý-ken tehnıkýmy, oblystyq atqarý komıtetiniń ǵımaraty, «Oktıabr» kınoteatry salynypty. Odan keıin Jazǵy teatr, Kenshilerdiń mádenıet saraıy boı kótergen.
«Qazynaly, kendi qala» kórmesiniń esigi kelem deýshilerge 15 aqpanǵa deıin ashyq bolady.
Qaırat ÁBILDA,
«Egemen Qazaqstan»
QARAǴANDY
